Mateo 9:35 - BAIBLO ALOO NGMAMI KLƆUKLƆU Ɔ

³⁵ Yesu kpa ma amɛ, kɛ kɔpe ɔmɛ tsuo a nɔ. E tsɔɔ ní ngɛ kpe he ɔmɛ; e fiɛ sane kpakpa a nɛ kɔɔ matsɛ yemi ɔ he ɔ, nɛ e tsa hiɔ slɔɔtohi tsuo.

Somi He Ɔ

³⁵ Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

Mateo 9:35 ပူးပေါင်းရင်းမြစ်များ

Mateo 10:1

Yesu tsɛ e kaseli nyɔngma kɛ enyɔ ɔmɛ kɛ ba e ngɔ, nɛ e ha mɛ he wami nɛ a kɛ hia mumi yayamihi, nɛ a kɛ tsa hiɔ tsuaa hiɔ hulɔ.

Mateo 11:1

Benɛ Yesu tsɔɔ e kaseli nyɔngma kɛ enyɔ ɔmɛ ní nɛ ɔmɛ ta a, e je kɛ ho ma amɛ nɛ a kɛ lejɛ ɔ kɛ we ɔ a mi ya, nɛ e ya tsɔɔ ní, nɛ e fiɛ ngɛ lejɛ ɔmɛ.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Marko 1:14

Benɛ a nu Yohane wo tsu se ɔ, Yesu ba Galilea, nɛ e ba fiɛ sane kpakpa a nɛ je Mawu ngɔ ɔ.

Marko 6:56

He tsuaa he nɛ Yesu ya a, kɔpe mi jio, ma mi jio, ngmɔ si jio, a kɛ hiɔtsɛmɛ ba pueɔ ma nɔ, nɛ a kpaa lɛ pɛɛ konɛ e ha nɛ a ta e tade ɔ nya kɛkɛ he; nɛ nihi abɔ nɛ ta he ɔ na he wami.

Marko 6:6

Ni ɔmɛ he we lɛ yi, nɛ enɛ ɔ pee lɛ nyakpɛ.

Luka 13:22

Benɛ Yesu ngɛ blɔ ɔ nɔ kɛ yaa Yerusalem ɔ, e ya kpa mahi kɛ kɔpehi a mi nɛ e tsɔɔ ní.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.