Mateo 9:33 - BAIBLO ALOO NGMAMI KLƆUKLƆU Ɔ

³³ Yesu hia mumi yayami ɔ, nɛ amlɔ ɔ, amuɛti ɔ bɔni munyu tumi. Nɔ́ nɛ ɔ pee nimli kpekpemi ɔ nyakpɛ, nɛ a de ke, “A nɛ kikɛmɛ a nɔ́ nɛ ɔ eko hyɛ ngɛ Israel!”

Somi He Ɔ

³³ Nɛ benɛ e hia mumi yayami ɔ, amuɛti ɔ tu munyu. Nɛ asafo ɔ he nya si mɛ nɛ a ke: “A nɛ́ kikɛmɛ a nɔ́ ko hyɛ ngɛ Israel!”

Mateo 9:33 ပူးပေါင်းရင်းမြစ်များ

Luka 11:14

Be ko ɔ, Yesu ngɛ mumi yayami nɛ tu we munyu hiae ngɛ nyumu ko mi. Benɛ mumi yayami ɔ je kpo ɔ, nyumu ɔ bɔni munyu tumi, nɛ nimli babauu ɔ a he mi po.

Yesaya 35:6

Glɔtsɛmɛ ma hlu kaa odabɔ, nɛ amuɛtihi ma la kɛ bua jɔmi. Pahi maa hia ngɛ nga kplanaa zugba a nɔ.

Luka 7:9

Benɛ Yesu nu nɔ́ nɛ ɔ, e hɛ mi pee lɛ yaa. Kɛkɛ nɛ e plɛ, nɛ e de nimli kpekpemi nɛ nyɛɛ e se ɔ ke, “I ngɛ nyɛ dee ke, i nɛ hemi kɛ yemi kaa kikɛ nɛ ɔ hyɛ; dɛbi, ngɛ Israel tete po i nɛ hyɛ!”

Yeremia 32:20

Blema lokoo ɔ, o pee okadihi, kɛ nyakpɛ níhi ngɛ Egipt zugba a nɔ. Kɛ ba si mwɔnɛ ligbi nɛ ɔ, o ngɛ jamɛ a nyakpɛ ní ɔmɛ, kɛ okadi ɔmɛ pee kɛ mwɔɔ, nɛ o kɛ he biɛ.

La 76:1

A le Mawu ngɛ Yuda, a woɔ e biɛ ɔ hɛ mi nyami ngɛ Israel.

Matsɛmɛ II, 5:8

Benɛ Mawu nɔmlɔ Elisha nu sane nɛ ba a, e tsɔ ya de matsɛ ɔ ke, “Mɛni he je o hao kikɛ nɛ ɔ? Ha nɛ nyumu ɔ nɛ ba ye ngɔ, nɛ e maa na kaa gbalɔ ko ngɛ Israel.”

Marko 2:12

Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Mateo 8:10

Benɛ Yesu nu nɔ́ nɛ nyumu ɔ de ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke, “Niinɛ, i ngɛ nyɛ dee ke Israel bi a kpɛti tete po, i nɛ hemi kɛ yemi kaa kikɛ nɛ ɔ!

Mateo 9:32

Jehanɛ lɛɛ, benɛ ni ɔmɛ ngɛ lejɛ ɔ jee ɔ, a kɛ amuɛti ko nɛ mumi yayami ngɛ e mi ba Yesu ngɔ.