Mateo 9:30 - BAIBLO ALOO NGMAMI KLƆUKLƆU Ɔ

³⁰ Nɛ a hɛngmɛ ɔmɛ bli. Jehanɛ, Yesu bɔ mɛ kɔkɔ ke, “Nyɛɛ hyɛ nɛ nɔ ko nɔ ko ko nu he oo!”

Somi He Ɔ

³⁰ nɛ a hɛngmɛ ɔmɛ bli. Nɛ Yesu bɔ mɛ kɔkɔ ke: “Nyɛɛ hyɛ nɛ nɔ ko ko le enɛ ɔ!”

Mateo 9:30 ပူးပေါင်းရင်းမြစ်များ

Luka 5:14

Yesu fa lɛ ke, “Ko de nɔ ko nɔ ko oo! Yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo! Lɔ ɔ se ɔ, yaa, nɛ o ya sã bɔ kaa bɔ nɛ Mose wo mlaa a, nɛ e pee okadi ha nihi tsuo kaa o he tsɔ niinɛ.”

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Luka 8:56

Jokuɛ ɔ fɔli ɔmɛ a he mi po, se Yesu fa mɛ ke a ko ya de nɔ ko nɔ́ nɛ ba a.

Marko 5:43

Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 12:16

nɛ e bɔ mɛ kɔkɔ ke a ko tu e he munyu nɛ nihi ba nu e he.

Yesaya 52:13

Yawɛ ke, “Ye tsɔlɔ ɔ maa ye manye ngɛ e ní tsumi mi; a ma wo e nɔ gojoo, nɛ a maa wo e hɛ mi nyami babauu!

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 35:5

Hɛ yuyuili maa hyɛ nɔ́ ekohu, nɛ tuekpokutsɛmɛ maa nu nɔ́.

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

Marko 1:43

Kɛkɛ nɛ Yesu bɔ lɛ kɔkɔ nɛ e wo lɛ blɔ nɔuu.

Marko 3:12

Yesu bɔ mumi yayami ɔmɛ kɔkɔ veveeve ke a ko je lɛ si kɛ tsɔɔ.