Mateo 9:28 - BAIBLO ALOO NGMAMI KLƆUKLƆU Ɔ

²⁸ Benɛ Yesu ya sɛ we ko mi ɔ, hɛ yuyuili ɔmɛ ba e ngɔ, nɛ e bi mɛ ke, “Nyɛ heɔ yeɔ kaa ma nyɛ ma tsa nyɛ lo?” A he nɔ ke, “Ee, Nyɔmtsɛ!”

Somi He Ɔ

²⁸ Nɛ benɛ e sɛ we ɔ mi ɔ, hɛ yuyuili ɔmɛ ba e ngɔ; nɛ Yesu bi mɛ ke: “Nyɛ heɔ yeɔ kaa ma nyɛ enɛ ɔ ma pee lo?” A de lɛ ke: “Ee, Mawetsɛ!”

Mateo 9:28 ပူးပေါင်းရင်းမြစ်များ

Mateo 9:22

Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Mateo 8:2

Tlukaa a, nyumu ko nɛ ngɛ he womi nɔ hiɔ yaya nue ba e ngɔ ba kpla si ngɛ e hɛ mi, nɛ e de lɛ ke, “Nyɔmtsɛ, ke o suɔ kaa ye he nɛ tsɔ ɔ, o ma nyɛ pee!”

Yohane 11:40

Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Yohane 11:26

nɛ nɔ tsuaa nɔ nɛ hɛ ngɛ, nɛ e heɔ mi yeɔ ɔ, e be gboe gblegbleegble. O heɔ enɛ ɔ yeɔ lo?”

Mateo 13:58

Akɛnɛ a he we lɛ yi he je ɔ, e tsu we nyakpɛ ní fuu ngɛ lejɛ ɔ.

Mateo 8:14

Benɛ Yesu ba Petro we ɔ mi ɔ, e na Petro nganyɛ nɛ hwɔɔ si kɛ asla.

Mateo 13:36

Benɛ Yesu si ma kpekpemi ɔ, nɛ e ba we mi ɔ, e kaseli ɔmɛ ba e ngɔ ba de lɛ ke, “Abɛ ɔ nɛ kɔɔ hu ɔ nɛ ngɛ ngmɔ ɔ mi ɔ he ɔ, tsɔɔ wɔ sisi.”

Mateo 9:27

Yesu je lejɛ ɔ, nɛ benɛ e yaa a, hɛ yuyuili enyɔ nyɛɛ e se kɛ ngmlaa boboobo ke, “David Bi, naa wɔ mɔbɔ oo naa wɔ mɔbɔ!”

Mateo 9:29

Kɛkɛ nɛ Yesu ta a hɛngmɛ ɔmɛ a he, nɛ e de ke, “A pee ha nyɛ kaa bɔ nɛ nyɛ heɔ yeɔ ɔ!”

Mateo 13:1

Jamɛ a ligbi ɔ nɔuu ɔ, Yesu je we ɔ mi kɛ ho wo ɔ nya ya, nɛ e ya hi si ngɛ lejɛ ɔ.

Ni Tsumi 14:9

Benɛ Paulo ngɛ munyu tue ɔ, nyumu ɔ bu lɛ tue saminya. Paulo hyɛ lɛ too, nɛ e na kaa nyumu ɔ ngɛ hemi kɛ yemi kaa a ma tsa lɛ.

Matsɛmɛ I, 17:16

Nɛ kaa bɔ nɛ Yawɛ de to kɛ gu Eliya nɔ ɔ, mamu ɔ tɛ buɛ ɔ mi, nɛ nu ɔ hu tɛ tɔ ɔ mi.