Mateo 9:24 - BAIBLO ALOO NGMAMI KLƆUKLƆU Ɔ

²⁴ e de mɛ ke, “Nyɛɛ je hiɛ ɔ! Yiheyo ɔ gbo we; mahe kɛkɛ lɛ e ngɛ hwɔe.” Kɛkɛ nɛ ni ɔmɛ muɔ lɛ.

Somi He Ɔ

²⁴ e de mɛ ke: “Nyɛɛ je hiɛ ɔ, yiheyo ɔ gbo we, se mahɛ kɛkɛ e ngɛ hwɔe.” Nɛ a muɔ lɛ.

Mateo 9:24 ပူးပေါင်းရင်းမြစ်များ

Ni Tsumi 20:10

Se Paulo kple si, nɛ e ya bu e nɔ, nɛ e fua lɛ. E de ni ɔmɛ ke, “Nyɛ ko jé ngmlaa; wami ngɛ e mi kɛ mwɔɔ!”

Ni Tsumi 9:40

Se Petro je mɛ kpo. Kɛkɛ nɛ e kpla si nɛ e sɔle; nɛ e plɛ e hɛ mi ngɔ kpee gbogboe ɔ, nɛ e de ke, “Tabita, tee si!” Tabita bli e hɛngmɛ; nɛ benɛ e na Petro ɔ, e wo e he nɔ, nɛ e hi si.

Yohane 11:4

Benɛ Yesu nu kaa Lazaro ngɛ gboe ɔ, e de ke, “Hiɔ nɛ ɔ be Lazaro gbee, se mohu a maa gu enɛ ɔ nɔ kɛ wo Mawu hɛ mi nyami; nɛ enɛ ɔ nɔuu a kɛ maa wo Mawu Bi ɔ hɛ mi nyami.”

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

Marko 5:40

Se ni ɔmɛ muɔ lɛ. Kɛkɛ nɛ e fie mɛ tsuo kɛ je kpo, nɛ e ngɔ jokuɛ ɔ tsɛ kɛ e nyɛ, kɛ nihi nɛ piɛ e he ɔ kɛ sɛ tsu mi he nɛ jokuɛ ɔ hwɔɔ si ngɛ ɔ.

Luka 8:53

Benɛ e de enɛ ɔ, mɛ tsuo a muɔ lɛ, ejakaa mɛɛ a le kaa jokuɛ ɔ gbo.