Mateo 9:22 - BAIBLO ALOO NGMAMI KLƆUKLƆU Ɔ

²² Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Somi He Ɔ

²² Yesu plɛ e he, nɛ benɛ e na lɛ ɔ, e ke: “Biyo, ha otsui nɛ nɔ o mi, o hemi kɛ yemi ɔ he o yiwami!” Nɛ yo ɔ he wa lɛ jamɛ a ngmlɛfia a nɔ nɔuu.

Mateo 9:22 ပူးပေါင်းရင်းမြစ်များ

Luka 7:50

Se Yesu de yo ɔ ke, “O hemi kɛ yemi he o yi wami; yaa ngɛ he jɔmi mi.”

Mateo 15:28

Jehanɛ Yesu de lɛ ke, “Yo, o hemi kɛ yemi kle! Nɔ́ nɛ o ngɛ hlae ɔ, a pee ha mo!” Nɛ jamɛ a ngmlɛfia a nɔuu ɔ, a tsa e biyo ɔ.

Mateo 9:2

Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Luka 18:42

Yesu de lɛ ke, “Moo hyɛ nɔ́! O hemi kɛ yemi tsa mo.”

Luka 17:19

Kɛkɛ nɛ Yesu de lɛ ke, “Tee si nɛ o ya; o hemi kɛ yemi tsa mo.”

Luka 8:48

Yesu de lɛ ke, “Biyo, o hemi kɛ yemi tsa mo; yaa ngɛ he jɔmi mi.”

Marko 10:52

Kɛkɛ nɛ Yesu de lɛ ke, “Yaa, o hemi kɛ yemi tsa mo!” Amlɔ nɔuu ɔ, e bɔni nɔ́ hyɛmi, nɛ e kɛ Yesu ho.

Marko 5:34

Yesu de lɛ ke, “Biyo, o hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”

Mateo 9:29

Kɛkɛ nɛ Yesu ta a hɛngmɛ ɔmɛ a he, nɛ e de ke, “A pee ha nyɛ kaa bɔ nɛ nyɛ heɔ yeɔ ɔ!”

Ni Tsumi 16:18

E pee enɛ ɔ hluu kɛ ya si Paulo mi mi wo la, nɛ e plɛ e he nɛ e de mumi ɔ ke, “I ngɛ mo fae ngɛ Yesu Kristo biɛ mi ke o je e mi.” Amlɔ nɔuu ɔ, mumi ɔ je yiheyo ɔ mi.

Yohane 4:53

Kɛkɛ nɛ bitsɛ ɔ kai kaa jamɛ a be ɔ tutuutu nɛ Yesu de lɛ ke e ya, se e bi ɔ yi na wami ɔ nɛ. Lɔ ɔ he ɔ, e kɛ e we ɔ tsuo he Yesu ye.

Hebribi 4:2

Ejakaa wɔ hu a fiɛ sane kpakpa a ngɔ tsɔɔ wɔ kaa bɔ nɛ a fiɛ ngɔ tsɔɔ mɛ ɔ nɔuu. A nu sɛ gbi ɔ lɛɛ, se e he ya bɛ se nami ha mɛ; ejakaa ni nɛmɛ nɛ nu ɔ ngɔɛ a hɛ kɛ fɔɛ nɔ́ nɛ a nu ɔ nɔ.

Ni Tsumi 14:9

Benɛ Paulo ngɛ munyu tue ɔ, nyumu ɔ bu lɛ tue saminya. Paulo hyɛ lɛ too, nɛ e na kaa nyumu ɔ ngɛ hemi kɛ yemi kaa a ma tsa lɛ.

Mateo 17:18

Yesu nga mumi yayami ɔ yi nɛ e je e mi, nɛ a tsa lɛ jamɛ a ngmlɛfia a nɔuu.

Mateo 8:13

Jehanɛ ɔ, Yesu de asafoatsɛ ɔ ke, “Moo ya; bɔ nɛ o he ye ɔ, é ba mi ja ha mo.” Jamɛ a ngmlɛfia a nɔuu ɔ, a tsa nyɔguɛ ɔ.