Mateo 9:20 - BAIBLO ALOO NGMAMI KLƆUKLƆU Ɔ

²⁰ Yo ko nɛ muɔ ngɛ bee ngɛ e he jeha nyɔngma kɛ enyɔ sɔuu ba je Yesu se tlukaa. Kɛkɛ nɛ e ta Yesu tade ɔ nya a he.

Somi He Ɔ

²⁰ Nɛ oʼɛ, yo ko nɛ ngɛ muɔdɛmi hiɔ nue jeha nyɔngma kɛ enyɔ ɔ ba je e se je nɛ e ta e tade ɔ nya a he.

Mateo 9:20 ပူးပေါင်းရင်းမြစ်များ

Mateo 14:36

A kpa lɛ pɛɛ wawɛɛ ke e ha nɛ hiɔtsɛmɛ ɔmɛ nɛ a ta e tade ɔ nya a he kɛkɛ. Nɛ nihi tsuo nɛ ta he ɔ na he wami.

Marko 6:56

He tsuaa he nɛ Yesu ya a, kɔpe mi jio, ma mi jio, ngmɔ si jio, a kɛ hiɔtsɛmɛ ba pueɔ ma nɔ, nɛ a kpaa lɛ pɛɛ konɛ e ha nɛ a ta e tade ɔ nya kɛkɛ he; nɛ nihi abɔ nɛ ta he ɔ na he wami.

Mose V, 22:12

“Moo kpɛ deke kɛ wo bo nɛ o haa a nya eywiɛ ɔmɛ tsuo.

Marko 8:22

Jehanɛ Yesu kɛ e kaseli ɔmɛ ba Betsaida; nɛ ni komɛ kɛ hɛ yuyuilɔ ko ba e ngɔ, nɛ a kpa lɛ pɛɛ konɛ e ta e he.

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Ni Tsumi 5:15

Nyakpɛ níhi nɛ bɔfo ɔmɛ pee he je ɔ, ke pee ɔ, nihi ngɔɔ hiɔtsɛmɛ kɛ a sa kɛ baa gbɛjegbɛ tue, konɛ ke Petro bee ɔ, e nini kɛkɛ po nɛ nɔ a nɔ.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Mateo 9:19

Yesu te si, nɛ e kɛ e kaseli ɔmɛ nyɛɛ nyumu ɔ se kɛ yaa.