Mateo 9:2 - BAIBLO ALOO NGMAMI KLƆUKLƆU Ɔ

² Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Somi He Ɔ

² Nɛ oʼɛ, a kɛ nɔ ko nɛ ngɛ hulemi hiɔ nue nɛ fɔɔ si ngɛ sa nɔ ba e ngɔ. Nɛ benɛ Yesu na a hemi kɛ yemi ɔ, e de hiɔtsɛ ɔ ke: “Bi, ha o tsui nɛ nɔ o mi, a kɛ o he yayami ɔmɛ pa mo!”

Mateo 9:2 ပူးပေါင်းရင်းမြစ်များ

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Mateo 14:27

Se amlɔ ɔ, Yesu wo e nya nɔ, nɛ e de mɛ ke, “Nyɛ na tsui, imi! Nyɛ ko ye gbeye!”

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

Mateo 8:10

Benɛ Yesu nu nɔ́ nɛ nyumu ɔ de ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke, “Niinɛ, i ngɛ nyɛ dee ke Israel bi a kpɛti tete po, i nɛ hemi kɛ yemi kaa kikɛ nɛ ɔ!

Mateo 8:16

Jamɛ a gbɔkuɛ ɔ, a ngɔ nihi babauu nɛ mumi yayamihi ngɛ a mi kɛ ba Yesu ngɔ. E hia mumi yayami ɔmɛ kɛ je ni ɔmɛ a mi, nɛ e tsa hiɔtsɛmɛ ɔmɛ tsuo.

Mateo 9:22

Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Mateo 9:5

Hyɛ, kaa a ma de ke, ‘A kɛ o he yayami ɔmɛ pa mo’, aloo, ‘Tee si nɛ o nyɛɛ’ ɔ, te e mi nɔ́ nɛ demi wa nɛɛ?

Mateo 9:6

Jehanɛ lɛɛ ma tsɔɔ nyɛ kaa Nɔmlɔ Bi ɔ ngɛ he blɔ kaa e ngɔɔ nihi a he yayamihi kɛ paa mɛ.” Kɛkɛ nɛ e de hiɔtsɛ ɔ ke, “Tee si, ngɔɔ o sa a, nɛ o ho we mi ya!”

Marko 1:32

Gbɔkuɛ benɛ pu nɔ si ɔ, nihi ngɔ hiɔtsɛmɛ kɛ nihi nɛ mumi yayami ngɛ a mi tsuo kɛ ba Yesu ngɔ.

Marko 10:49

Yesu da si, nɛ e ke, “Nyɛ tsɛ lɛ kɛ ba!” Kɛkɛ nɛ a tsɛ hɛ yuyuilɔ ɔ, nɛ a de lɛ ke, “Na tsui; tee si, e ngɛ mo tsɛe!”

Marko 5:34

Yesu de lɛ ke, “Biyo, o hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”

Marko 6:50

ejakaa mɛ tsuo a na lɛ, nɛ a tsui po. Se Yesu kɛ mɛ tu munyu amlɔ nɔuu; e de mɛ ke, “Nyɛ ko je fɔ̃; imi; nyɛ ko ye gbeye!”

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 2:25

E hia we pohu nɛ nɔ ko nɛ ye nɔmlɔ adesa he odase kɛ tsɔɔ lɛ, ejakaa lɛ nitsɛ e le nɔmlɔ yi mi.

Yohane 21:5

E bi mɛ ke, “Ye bimɛ, nyɛ ná nɔ́ ko lo?” A he nɔ ke, “Dɛbi, wa nɛ́ nɔ́ ko nɔ́ ko.”

Ni Tsumi 14:9

Benɛ Paulo ngɛ munyu tue ɔ, nyumu ɔ bu lɛ tue saminya. Paulo hyɛ lɛ too, nɛ e na kaa nyumu ɔ ngɛ hemi kɛ yemi kaa a ma tsa lɛ.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Ni Tsumi 23:11

Jamɛ a nyɔ ɔ mi ɔ, Nyɔmtsɛ ɔ ba da Paulo kasa nya, nɛ e de lɛ ke, “Koo ye gbeye. Bɔ nɛ o ye ye he odase ngɛ Yerusalem nɛ ɔ, ja o ya ye odase jã nɔuu ngɛ Roma hulɔ.”

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Yakobo 2:18

Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.