Mateo 9:16 - BAIBLO ALOO NGMAMI KLƆUKLƆU Ɔ

¹⁶ “Nɔ ko ngɔɛ bo he kɛ ta we tade momo mi. Ke o pee jã a, he nɛ o ta a ma hía, nɛ puɔ ɔ ma bli mohu pe kekle ɔ.

Somi He Ɔ

¹⁶ “Nɔ ko ngɔɛ bo nya he kɛ ta we tade momo mi; ejakaa nɔ́ nɛ a kɛ ta a nɛ jinɛ a kɛ tsi puɔ ɔ, yeɔ tade ɔ, nɛ puɔ ɔ bliɔ mohu pe kekle ɔ.

Mateo 9:16 ပူးပေါင်းရင်းမြစ်များ

Yohane 16:12

“I ngɛ níhi fuu nɛ piɛ nɛ ma de nyɛ, se nyɛ be nyɛe he maa pɛtɛ amlɔ nɛ ɔ.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Mose I, 33:14

Enɛ ɔ he je ɔ, ye nyɔmtsɛ, i kpa mo pɛɛ nɛ o sɛ hlami; i kɛ lohwe ɔmɛ kɛ jokuɛwi ɔmɛ maa hi nyɛɛe blɛuublɛuu kɛ yaa si wa ma ba na mo ngɛ Edom.”

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Mateo 9:17

Jã kɛ̃, nɔ ko ngɔɛ wai he kɛ wui lohwe he womi tɔ momo mi. Ejakaa lohwe he womi tɔ ɔ ma pɛ, nɛ wai ɔ ma pue si, nɛ lohwe he womi tɔ ɔ ma puɛ. Wai he ɔ, lohwe he womi tɔ he mi mohu a kɛ woɔ. Kɛkɛ ɔ, nɔ́ enyɔ ɔmɛ tsuo a se kɛɔ.”

Marko 2:21

“Nɔ ko ngɔɛ bo nya he kɛ ta we tade momo mi. Ke e pee ja a, bo nya he ɔ ma hía tade momo ɔ, nɛ e ma ha pa a ma blii.

2 Korintobi 9:12

Ejakaa ní tsumi nɛ nyɛ ngɛ tsue ɔ, pi kaa wa nyɛmimɛ ɔmɛ nɛ heɔ yeɔ ɔ a hiami níhi kɛkɛ nɛ nyɛ ngɛ pee ha mɛ. Nihi babauu hu ngɛ Mawu si nae kɛ gu sɔlemi mi.

Luka 5:36

Yesu bu mɛ abɛ nɛ ɔ hu ke, “Nɔ ko gba we tade he nya kɛ ta we tade momo mi. Ke e pee ja kɛkɛ e hia tade he ɔ, nɛ tade he ɔ nya nɛ a je ɔ, kɛ tade momo ɔ hu be yae fiee.