Mateo 9:15 - BAIBLO ALOO NGMAMI KLƆUKLƆU Ɔ

¹⁵ Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Somi He Ɔ

¹⁵ Nɛ Yesu de mɛ ke: “Anɛ yo kpeemi ɔ he biali ɔmɛ ma nyɛ maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Se be maa ba mo nɛ a maa ngɔ ayɛflo huno ɔ kɛ maa je a kpɛti kɛ ho, nɛ lɔ ɔ loko a maa ha hwɔ.”

Mateo 9:15 ပူးပေါင်းရင်းမြစ်များ

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

1 Korintobi 7:5

Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

Yohane 16:6

Se nɛ i de nyɛ ní nɛ ɔmɛ ɔ, nyɛ ngɛ tsui yee.

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

2 Korintobi 11:27

I gbo dengme kɛ tsu ní wawɛɛ nɛ be komɛ mahe hwɔmi be mi. Hwɔ kɛ kuma yeɔ mi; be komɛ po i haa hwɔ; fĩɛ yeɔ mi, nɛ he hami nɔ́ hiaa mi.

Mateo 9:14

Pee se ɔ, Yohane kaseli ɔmɛ ba Yesu ngɔ, nɛ a ba bi lɛ ke, “Mɛni he je waa kɛ Farisi bi ɔmɛ haa hwɔ, nɛ o kaseli ɔmɛ lɛɛ a hɛ hwɔ ɔ?”

Mateo 9:16

“Nɔ ko ngɔɛ bo he kɛ ta we tade momo mi. Ke o pee jã a, he nɛ o ta a ma hía, nɛ puɔ ɔ ma bli mohu pe kekle ɔ.

Marko 2:19

Yesu he nɔ ke, “Ke nɔ ko kpee yo nɛ e huɛmɛ ba e he nyami ɔ, anɛ nyɛ susuɔ kaa e maa ha mɛ hwɔ be mi nɛ e kɛ mɛ ngɛ ɔ lo? Be abɔ nɛ ayɛflo huno ɔ kɛ mɛ ngɛ nɛ ɔ, a be hwɔ hae.

Marko 2:20

Se be ma nɛ a maa ngɔ ayɛflo huno ɔ kɛ je a he; jamɛ a be ɔ mi loko a maa ha hwɔ.

Luka 5:34

Yesu bi mɛ ke, “Ke nɔ ko kpee yo, nɛ e huɛmɛ ba e he nyami ɔ, anɛ nyɛ susuɔ kaa e maa ha mɛ hwɔ be mi nɛ e kɛ mɛ ngɛ ɔ lo? Dɛbi!

Luka 5:35

Se be ma, nɛ a maa ngɔ ayɛflo huno ɔ kɛ je a he kɛ ho; nɛ jamɛ a be ɔ loko a maa ha hwɔ!”

Luka 17:22

Jehanɛ ɔ, Yesu de e kaseli ɔmɛ ke, “Be ma nɛ nyɛ ma hla kaa nyɛɛ na be ɔ nɛ Nɔmlɔ Bi ɔ maa ba ngɛ e hɛ mi nyami mi ɔ we ligbi kake pɛ, se nyɛ be nae.