Mateo 9:14 - BAIBLO ALOO NGMAMI KLƆUKLƆU Ɔ

¹⁴ Pee se ɔ, Yohane kaseli ɔmɛ ba Yesu ngɔ, nɛ a ba bi lɛ ke, “Mɛni he je waa kɛ Farisi bi ɔmɛ haa hwɔ, nɛ o kaseli ɔmɛ lɛɛ a hɛ hwɔ ɔ?”

Somi He Ɔ

¹⁴ Kɛkɛ nɛ Yohane kaseli ɔmɛ ba e ngɔ ba de ke: “Mɛni he je waa kɛ Farisifo ɔmɛ pɔɔ hwɔ hami, nɛ o kaseli ɔmɛ lɛɛ a hɛ́ hwɔ ɔ?”

Mateo 9:14 ပူးပေါင်းရင်းမြစ်များ

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Yohane 3:25

Pee se ɔ, kusumi nɛ a peeɔ kɛ tsuɔ nɔ he ɔ, Yohane kaseli ɔmɛ ekomɛ, kɛ Yuda bi komɛ sã nya ngɛ he.

Yohane 4:1

Farisi bi ɔmɛ nu kaa Yesu ngɛ kaseli babauu nae, nɛ e ngɛ nihi babauu sɔlee hu pe Yohane.

Mateo 11:2

Jamɛ a be ɔ mi ɔ, a wo Yohane nɔ sɔlelɔ ɔ tsu. Benɛ Yohane nu níhi nɛ Kristo ngɛ tsue ɔ a he ngɛ tsu ɔ mi ɔ, e tsɔ e kaseli ɔmɛ ekomɛ kɛ sɛ gbi nɛ ɔ ba ha Yesu

Abɛ Womi 20:6

Nihi babauu maa tsɔɔ mo bɔ nɛ a mi mi jɔ ha. Se mo hla anɔkualetsɛ kake too ngɛ a kpɛti kaa o maa na lo.

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.