Mateo 9:11 - BAIBLO ALOO NGMAMI KLƆUKLƆU Ɔ

¹¹ Farisi bi komɛ na nɔ́ nɛ ɔ, nɛ a bi e kaseli ɔmɛ ke, “Mɛni he je nyɛ tsɔɔlɔ ɔ, kɛ tó tsuli, kɛ yayami peeli ngɛ ní yee ɔ?”

Somi He Ɔ

¹¹ Benɛ Farisifo ɔmɛ na a, a bi e kaseli ɔmɛ ke: “Mɛni he je nyɛ tsɔɔlɔ ɔ kɛ onia tsuli kɛ yayami peeli ngɛ ni yee nɛ ɔ?”

Mateo 9:11 ပူးပေါင်းရင်းမြစ်များ

Yesaya 65:5

Se bɔ nɛ mɛ mohu a deɔ ni kpahi ji, ‘Nyɛɛ hɛ nyɛ kɛ ya se; nyɛ ko ba wa kasa nya; wɔɔ lɛɛ wa he tsɔ!’ Kikɛmɛ a nimli nɛ ɔmɛ ngɛ kaa la su ku nɛ ngɛ ye gugwɔ mi sɛe, kɛ la nɛ ngɛ tsoe daa ligbi!

Mateo 11:19

Benɛ Nɔmlɔ Bi ɔ ba a, lɛɛ e yeɔ ní, nɛ e nuɔ wai. Nɛ nɔ́ nɛ nihi deɔ ji, ‘Hyɛ, jiklɔɔtsɛ, kɛ dã nulɔ; tó tsuli, kɛ yayami peeli a huɛ ɔ ji nɛ ɔ nɛ!’ Mawu nile ɔ lɛɛ níhi nɛ e tsuɔ ɔ, lɔ ɔmɛ a kɛ woɔ lɛ nguɔ.”

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Mateo 9:10

Benɛ Yesu ngɛ ní yee ngɛ Mateo we ɔ mi ɔ, tó tsuli babauu, kɛ ni kpa komɛ nɛ a buu mɛ yayami peeli ɔ ba ba piɛ Yesu, kɛ e kaseli ɔmɛ a he kɛ ye ní ɔ.

Marko 2:16

Mlaa tsɔɔli ɔmɛ ekomɛ nɛ ji Farisi bi ɔmɛ na nɛ Yesu kɛ kikɛmɛ a nimli nɛ ɔmɛ hii si ngɛ ní yee. Lɔ ɔ he ɔ, a bi e kaseli ɔmɛ ke, “Mɛni he je nɛ Nyɔmtsɛ ɔ kɛ nimli kaa kikɛ nɛ ɔ yeɔ ní ɔ?”

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 5:30

Kɛkɛ nɛ Farisi bi komɛ, kɛ mlaa tsɔɔli komɛ tu munyu huitihuiti kɛ si Yesu kaseli ɔmɛ ke, “Mɛni he je nɛ nyɛɛ kɛ tó tsuli, kɛ yayami peeli ngɛ ní yee, nɛ nyɛɛ kɛ mɛ ngɛ ní nue ɔ?”

Ni Tsumi 11:3

A ke, “O ya ma je li nɛ a pui mɛ ɔ a ngɔ, nɛ o kɛ mɛ ya ye ní!”

Galatabi 2:15

Wɔ nitsɛmɛ ɔ, Yuda fɔfɔɛhi ji wɔ; wa pi ma je li yayami peeli.

Hebribi 5:2

Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.

2 Yohane 1:10

Lɔ ɔ he ɔ, ke nɔ ko ba nyɛ ngɔ, nɛ e ba tsɔɔ we ní kaa bɔ nɛ Kristo tsɔɔ ɔ, nyɛ ko he lɛ atuu, nɛ nyɛ ba de lɛ ke, “He manye!” tete po.