Mateo 8:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Somi He Ɔ

⁴ Nɛ Yesu de lɛ ke: “Hyɛ nɛ o ko de nɔ ko; se mohu yaa nɛ o kɛ o he ya tsɔɔ osɔfo ɔ, nɛ o ha ke ni nɛ Mose to ɔ kɛ ye odase.”

Mateo 8:4 ပူးပေါင်းရင်းမြစ်များ

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Mose III, 13:49

ke nɔ́ fu ja a tsuɔ, loo e hɛɛ ba mumu su ɔ, e maa pee kaa nɔ́ yaya lɛ ngɛ ja fue ngɛ he hami nɔ́ ɔ mi ɔ nɛ; a ngɔ kɛ ya tsɔɔ osɔfo ɔ.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 16:20

Kɛkɛ nɛ Yesu ka e kaseli ɔmɛ kita ke a ko de nɔ ko nɔ ko ke lɛ ji Kristo ɔ.

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Mateo 5:17

“Nyɛ ko susu kaa i ba nɛ ma ba gu Mose mlaa a, kɛ níhi nɛ gbali ɔmɛ tsɔɔ ɔ. Dɛbi! I bɛ mɛ gumi; se mohu, i ba, konɛ ma ba tsɔɔ a sisi saminya.

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Mateo 9:30

Nɛ a hɛngmɛ ɔmɛ bli. Jehanɛ, Yesu bɔ mɛ kɔkɔ ke, “Nyɛɛ hyɛ nɛ nɔ ko nɔ ko ko nu he oo!”

Marko 13:9

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Marko 3:12

Yesu bɔ mumi yayami ɔmɛ kɔkɔ veveeve ke a ko je lɛ si kɛ tsɔɔ.

Marko 5:43

Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Marko 6:11

Ke nyɛ ya su ma ko mi, nɛ a he we nyɛ ɔ, nyɛ blɛ nyɛ nane si zu kɛ pue si nɛ nyɛɛ je! Nɔ́ nɛ ɔ maa to mɛ okadi!”

Marko 7:36

Yesu de mɛ ke a ko sɛɛ ha nɔ ko nɔ ko kɔkɔɔkɔ; se si abɔ nɛ e ngɛ mɛ dee ke a ko wo nɔ ta a, si abɔ nɛ a ngɛ sɛɛe ha nihi ji lɔ ɔ nɛ.

Marko 8:30

Kɛkɛ nɛ Yesu de mɛ veveeve ke, “Nyɛ ko sɛɛ sane nɛ ɔ ha nɔ ko nɔ ko.”

Marko 9:9

Benɛ a ngɛ yo ɔ kplee ɔ, Yesu de mɛ veveeve ke, “Nyɛ ko sɛɛ níhi nɛ nyɛ na a ha nɔ ko, ja Nɔmlɔ Bi ɔ te si kɛ je gbeje lolo.”

Luka 17:14

Yesu na mɛ, nɛ e de mɛ ke, “Nyɛɛ ya nɛ nyɛɛ ngɔ nyɛ he ya tsɔɔ osɔfo ɔmɛ.” Benɛ a yaa ngɛ blɔ ɔ nɔ ɔ, a he womi nɔ tsɔ.

Luka 21:13

Nɛ nɔ́ nɛ ɔ ma ha nyɛ he blɔ nɛ nyɛɛ kɛ maa ye odase.

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Luka 5:14

Yesu fa lɛ ke, “Ko de nɔ ko nɔ ko oo! Yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo! Lɔ ɔ se ɔ, yaa, nɛ o ya sã bɔ kaa bɔ nɛ Mose wo mlaa a, nɛ e pee okadi ha nihi tsuo kaa o he tsɔ niinɛ.”

Luka 8:56

Jokuɛ ɔ fɔli ɔmɛ a he mi po, se Yesu fa mɛ ke a ko ya de nɔ ko nɔ́ nɛ ba a.

Luka 9:21

Kɛkɛ nɛ Yesu bɔ mɛ kɔkɔ ke a ko ya de nɔ ko nɔ ko.

Yohane 5:41

“I hla we nimli a hɛ mi nyami.

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.

Yohane 8:50

I hla we imi nitsɛ ye hɛ mi nyami. Se nɔ ko ngɛ nɛ ngɛ hlae, nɛ lɛ nɛ maa kojo.