Mateo 8:30 - BAIBLO ALOO NGMAMI KLƆUKLƆU Ɔ

³⁰ Kpotoohi babauu ngɛ ní yee ngɛ lokoo.

Somi He Ɔ

³⁰ Nɛ kpotoohi a kuu ngua ko ngɛ ni yee ngɛ lokoo.

Mateo 8:30 ပူးပေါင်းရင်းမြစ်များ

Marko 5:11

Kpotoo kuu nguaa ko ngɛ lejɛ ɔ nɛ a ngɛ ní yee ngɛ yoku ɔ he.

Mose V, 14:8

Nyɛ ko ye kpotoo. E he tsɔ we; ejakaa a gba e nane kokloto mi lɛɛ, se e gɔle we nɔ́ nɛ e yeɔ nɛ e taa ekohu. Nyɛ ko ye lohwe nɛ ɔmɛ a lo, nɛ nyɛ ko ta a gbogboe he hulɔ.

Mose III, 11:7

Nyɛ ko ye kpotoo, e he tsɔ we, ejakaa a gba e nane kokloto mi lɛɛ, se e gɔle we nɔ́ nɛ e ye ɔ nɛ e ta ekohu.

Luka 8:32

Jamɛ a be ɔ, kpotoo kuu kpekpemi ko ngɛ ní yee ngɛ yoku ɔ nɔ ngɛ lejɛ ɔ. Lɔ ɔ he ɔ, mumi yayami ɔmɛ de Yesu ke, “Wa kpa mo pɛɛ, ha nɛ wa ya sɛ kpotoo ɔmɛ a mi.” Nɛ e kplɛɛ.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Mateo 7:6

“Nyɛ ko ngɔ níhi nɛ ngɛ klɔuklɔu ngɔ ha gbehi; ke nyɛ pee jã a, a ma plɛ wo nyɛ, nɛ a ma tua nyɛ. Nyɛ ko sake nyɛ june ngɔ pue kpotoohi a blɔ mi; ke nyɛ pee jã a, a maa naa nɔ.

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Mateo 8:31

Kɛkɛ nɛ mumi yayami ɔmɛ kpa Yesu pɛɛ ke, “Ke o hia wɔ ɔ, ha wɔ blɔ nɛ wa ya sɛ kpotoo ɔmɛ a mi.”