Mateo 8:29 - BAIBLO ALOO NGMAMI KLƆUKLƆU Ɔ

²⁹ Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Somi He Ɔ

²⁹ Nɛ oʼɛ, a kpa ngmlaa ke: “Mɛni sane waa kɛ mo ngɛ mo Yesu, Mawu bi ɔ? Anɛ o ba wɔ dengme womi loko be ɔ nɛ su lo?”

Mateo 8:29 ပူးပေါင်းရင်းမြစ်များ

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Luka 4:34

“Jee hiɛmɛ nɛ ɔ, esɔ! Mɛni sane waa kɛ mo ngɛ, mo Yesu nɛ o je Nazaret? O ba nɛ o ba kpata wa hɛ mi, pi ja? I le mo tsɔ! Mo ji Mawu Nɔ Klɔuklɔu ɔ nɛ!”

Yakobo 2:19

Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Luka 8:28

Benɛ e na Yesu ɔ, e hia ngmlaa nɛ e ho ya kpla si ngɛ e nane nya, nɛ e kɛ ngmlaa de ke, “Yesu, Hiɔwe Mawu No ɔ Bi! Mɛni sane i kɛ mo ngɛ? I kpa mo pɛɛ, koo hao mi!”

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Yohane 2:4

Se Yesu he nɔ ke, “Maa, mɛni he je o ngɛ ye nya dooe? Be nɛ ma tsu ní ɔ sui lolo.”

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Samuel II, 16:10

Se matsɛ ɔ de Abishai, kɛ e nyɛminyumu Yoab ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he? Ke Yawɛ nɛ de lɛ ke e gbiɛ mi, nɛ e ngɛ mi gbiɛe ɔ, mɛnɔ ngɛ he blɔ nɛ e biɔ ke mɛni he je e ngɛ ja pee lo?”

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Marko 3:11

Nihi nɛ mumi yayami ngɛ a mi ɔ, mɛɛ lɛɛ be tsuaa be nɛ a maa na lɛ ɔ, a tsɔɔ nɔɔ si ngɛ e hɛ mi, nɛ a kpaa ngmlaa ke, “Mo ji Mawu Bi ɔ nɛ!”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Samuel II, 19:22

Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Manyadali 11:12

Enɛ ɔ se ɔ, Yefta tsɔ nihi kɛ ya Amon matsɛ ɔ ngɔ, nɛ a ya bi lɛ ke, “Mɛni sane i kɛ mo ngɛ loko o ba tua mi ngɛ ye zugba a nɔ ɔ?”

Matsɛmɛ II, 3:13

Elisha de Israel matsɛ ɔ ke, “Mɛni sane i kɛ mo ngɛ? Yaa o tsɛ kɛ o nyɛ a gbali ɔmɛ a ngɔ.” Israel matsɛ ɔ de lɛ ke, “Dɛbi, Yawɛ ji nɔ nɛ ngɔ wɔ matsɛmɛ etɛ nɛ ɔmɛ kɛ wo Moab matsɛ ɔ dɛ mi ɔ nɛ.”

Kronika II, 35:21

Se Neko ngɔ sɛ gbi nɛ ɔ mane Yosia ke, “Ta nɛ i gba nɛ ɔ kɔ we mo, Yuda matsɛ, o he. Tsa pi mo nɛ i kɛ na; pe i ba nɛ i kɛ ye he nyɛli ɔmɛ nɛ ba hwu, nɛ Mawu de mi ke ma pee esɔ. Mawu kɛ mi ngɛ. Lɔ ɔ he ɔ, koo te si ngɔ wo mi nɛ e ko ba kpata o hɛ mi.”

Mateo 8:30

Kpotoohi babauu ngɛ ní yee ngɛ lokoo.