Mateo 8:28 - BAIBLO ALOO NGMAMI KLƆUKLƆU Ɔ

²⁸ Benɛ Yesu ba su wo ɔ se je ngɛ Gadara bi ɔmɛ a zugba a nɔ ɔ, nyumuhi enyɔ nɛ mumi yayamihi ngɛ a mi kɛ lɛ ba kpe. Yɔkɔhi a mi a hii; nɛ bɔ nɛ a he ngɛ gbeye ha a, nɔ ko nɔ ko nyɛ we nɛ e guu jamɛ a blɔ ɔ nɔ.

Somi He Ɔ

²⁸ Benɛ Yesu ba se ɔ blɔ ngɛ Gadarabi ɔmɛ a zugba a nɔ ɔ, ni enyɔ nɛ mumi yayami ngɛ a mi kɛ lɛ ba kpe, a je ni gbogboehi a pu he ɔ nɛ a hɛ wo la tsɔ, bɔ nɛ nɔ ko nyɛ we jamɛ a blɔ ɔ nɔ nɛ e gu.

Mateo 8:28 ပူးပေါင်းရင်းမြစ်များ

Mose I, 10:16

Kanaan nina ji Yebus bi, Amor bi, Girgash bi,

Mose I, 15:21

Amor bi, Kanaan bi, Girgash bi, kɛ Yebus bi a zugba a i ngɛ tsɔɔe ɔ nɛ.”

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mateo 8:27

Ni ɔmɛ a nya kpɛ a he, nɛ nɔ́ nɛ nɔ tsuaa nɔ ngɛ bie ji, “Mɛni nɔmlɔ slɔɔto ji nɛ ɔ, nɛ kɔɔhiɔ, kɛ wo tete buɔ lɛ tue?”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Manyadali 5:6

Anat binyumu Shamgar, kɛ Yael a be ɔ mi ɔ, gbɛjegbɛ ɔmɛ a nɔ fɔɔ si gu, nɛ blɔ nyɛɛli guu nane blɔ.