Mateo 8:26 - BAIBLO ALOO NGMAMI KLƆUKLƆU Ɔ

²⁶ Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Somi He Ɔ

²⁶ Nɛ e de mɛ ke: “Mɛni he je nyɛ ngɛ gbeye yee kikɛ, nyɛ nɛ nyɛ hemi kɛ yemi pi?” Kɛkɛ nɛ e te se nɛ e ke kɔɔhiɔ ɔ kɛ wo ɔ yi nɛ a ngmɛ dii.

Mateo 8:26 ပူးပေါင်းရင်းမြစ်များ

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

La 89:9

Ke wo gli, nɛ oslɔke ngɛ fiae ɔ, mo lɛ o jɔɔ he.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Nahum 1:4

Ke Yawɛ wo gbi ɔ, wo miiɔ nɛ e peeɔ zugba gbigbli, nɛ pahi gbliɔ. Lohwehi a ní yemi he kpakpahi nɛ ngɛ Bashan kɛ Karmel yo ɔmɛ a nɔ ɔ nglaa; nɛ Lebanon mɔmɔ ɔmɛ taa.

Habakuk 3:8

Yawɛ, anɛ pa amɛ lɛ a wo o mi mi la a lo? Aloo wo ɔ lɛ ha o hɛ dɔ, benɛ o hi bɔku ɔmɛ a nɔ kɛ nyɛɛ kaa ta zugba lɛ kɛ ya ye kunimi ɔ?

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Mateo 6:30

Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Mateo 8:27

Ni ɔmɛ a nya kpɛ a he, nɛ nɔ́ nɛ nɔ tsuaa nɔ ngɛ bie ji, “Mɛni nɔmlɔ slɔɔto ji nɛ ɔ, nɛ kɔɔhiɔ, kɛ wo tete buɔ lɛ tue?”

Luka 4:35

Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Romabi 4:20

E yi mi pee we lɛ enyɔɔnyɔ ngɛ si nɛ Mawu wo lɛ ɔ he; se mohu e hemi kɛ yemi ha lɛ he wami he, nɛ e wo Mawu hɛ mi nyami.

Kpojemi 10:2

E hɛɛ womi kpo wayoo ko nɛ a bli mi ngɛ e dɛ mi. E kɛ e hiɔ nane ma wo nɔ, nɛ e kɛ e muɔ nane ma zugba nɔ;