Mateo 8:22 - BAIBLO ALOO NGMAMI KLƆUKLƆU Ɔ

²² Se Yesu de lɛ ke, “Ba nyɛɛ ye se! Ha nɛ ni gbogboe ɔmɛ nɛ a pu mɛ nitsɛmɛ a ni gbogboehi.”

Somi He Ɔ

²² Se Yesu de lɛ ke: “Nyɛɛ ye se, nɛ o ha ni gbogboe ɔmɛ a pu mɛ nitsɛmɛ a ni gbogboehi.”

Mateo 8:22 ပူးပေါင်းရင်းမြစ်များ

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Efesobi 2:5

Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 2:1

Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

Yohane 1:43

E nɔ jena a, Yesu to e yi mi kaa e maa ya Galilea. Kɛkɛ nɛ e kɛ Filipo kpe, nɛ e de lɛ ke, “Filipo, nyɛɛ ye se.”

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Matsɛmɛ I, 19:20

Kɛkɛ nɛ Elisha je e na amɛ a he, nɛ e tu fo kɛ nyɛɛ Eliya se; nɛ e de lɛ ke, “I kpa mo pɛɛ, ha nɛ i kɛ tsaatsɛ, kɛ maa ya ye sɛ, konɛ ma ba nyɛɛ o se.” Eliya he nɔ ke, “Yoo, moo ya. I tsi we o nya!”

Mateo 8:21

Kaseli ɔmɛ a ti nɔ kpa hu de lɛ ke, “Nyɔmtsɛ, ha ma ya nɛ ma ya pu tsaatsɛ lolo.”

Marko 2:14

Benɛ e yaa a, e na Alfeo bi Levi nɛ hii si ngɛ tó tsumi he ɔ. Yesu de lɛ ke, “Nyɛɛ ye se.” Kɛkɛ nɛ Levi te si pam nɛ e nyɛɛ e se.

Luka 9:59

E de nɔ kpa ke, “Ba nyɛɛ ye se!” Se lɛɛ e de ke, “Nyɔmtsɛ, ha mi blɔ nɛ ma ya pu tsaatsɛ lolo.”

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”

Luka 15:24

Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Yohane 21:19

Yesu de enɛ ɔ kɛ tsɔɔ bɔ nɛ Petro ma gbo kɛ wo Mawu hɛ mi nyami. Jehanɛ e de Petro ke, “Nyɛɛ ye se.”

Yohane 21:22

Yesu de lɛ ke, “Ke i suɔ kaa e hi si kɛ yaa su be nɛ ma kpale kɛ ba a, mɛni lɔ ɔ kɔɔ ngɛ o he? Moo lɛɛ nyɛɛ ye se!”