Mateo 8:20 - BAIBLO ALOO NGMAMI KLƆUKLƆU Ɔ

²⁰ Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Somi He Ɔ

²⁰ Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Mateo 8:20 ပူးပေါင်းရင်းမြစ်များ

La 104:12

Lohwe pɛlitsɛmɛ peeɔ a tsuhi ngɛ tso kɔnihi a nɔ ngɛ pa tue, nɛ a hii lae ngɛ lejɛ ɔ.

La 104:17

Lejɛ ɔ lɛ lohwe pɛlitsɛmɛ peeɔ a tsuhi ngɛ; sɛsɛo ɔ mi lɛ aklawa peeɔ e tsu ngɛ.

La 109:22

Ohiatsɛ ji mi; ye ní ngɛ mɔbɔ, nɛ ye tsui ngɛ mi yee ngɛ ye mi mi tɔɔ.

La 40:17

E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!

La 69:29

Se imi lɛɛ ye ní ngɛ mɔbɔ; i ngɛ nɔ́ nae. Mawu, wo ye nɔ, nɛ o he ye yi wami!

La 84:3

Yawɛ Tabohiatsɛ, ye matsɛ, kɛ ye Mawu! Otokliihi, kɛ mawubitɛtehi po maa tsu ngɛ o bɔ sami la tɛ ɔ kasa nya, nɛ a lɛɛ a bimɛ ngɛ lejɛ ɔ.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Mateo 12:32

Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ. Se nɔ nɛ maa tu munyu kɛ si Mumi Klɔuklɔu ɔ, a kɛ be lɛ pae ngɛ yi nɔ nɛ ɔ, aloo yi nɔ nɛ maa ba a mi.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Mateo 12:8

Ejakaa Mawu Bi ɔ, Hejɔɔmi ligbi ɔ tete nyɔmtsɛ ji lɛ.”

Mateo 13:37

Yesu he nɔ ke, “Nɔ nɛ du wu kpakpa a ji Nɔmlɔ Bi ɔ nɛ.

Mateo 16:13

Benɛ Yesu ba Kaisarea Filipi kpokpa a nɔ ɔ, e bi e kaseli ɔmɛ ke, “Mɛnɔ nihi deɔ ke Nɔmlɔ Bi ɔ ji?”

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 17:9

Benɛ a ngɛ yo ɔ kplee ɔ. Yesu ka mɛ kita ke, “Nyɛ ko sɛɛ nina nɛ ɔ he ní ha nɔ ko kɛ yaa si a ma tle Nɔmlɔ Bi ɔ si kɛ je gbeje.”

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Luka 12:8

“I ngɛ nyɛ dee ke, nɔ tsuaa nɔ nɛ maa jaje ngɛ nimli a hɛ mi kaa e ngɛ ye blɔ fa mi ɔ, Nɔmlɔ Bi ɔ hu maa pee ja ha lɛ ngɛ Mawu bɔfo ɔmɛ a hɛ mi.

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Luka 2:12

Nɔ́ nɛ nyɛɛ kɛ maa le kaa ye sane ɔ ngɛ mi ji nyɛ maa na bimwɔyo nɛ a kɛ bo blaa lɛ, nɛ hwɔɔ si ngɛ lohwehi a niye ní daka mi.”

Luka 2:16

Kɛkɛ nɛ a ho nɔuu, nɛ a ya na Maria, kɛ Yosef, kɛ bimwɔyo ɔ hu nɛ hwɔɔ si ngɛ lohwehi a niye ní daka a mi.

Luka 2:7

E fɔ e kekleekle bi, nɛ e ngɔ bo kɛ blaa lɛ, nɛ e kɛ lɛ fɔ lohwehi a niye ní daka mi; ejakaa a nɛ blɔ ngɛ nibwɔhi a to he ɔ.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 8:3

kɛ Yohana, Herode tsɔlɔ nɔkɔtɔma Kuza yo ɔ, kɛ Susana, kɛ yi kpahi fuu nɛ a kɛ mɛ nitsɛmɛ a níhi hyɛ Yesu, kɛ e kaseli ɔmɛ a nɔ ɔ.

Luka 9:58

Se Yesu de lɛ ke, “Kɔkɔbohi ngɛ muɔhi, nɛ lohwe pɛlitsɛmɛ hu ngɛ tsuhi; se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Yohane 13:31

Benɛ Yuda je kpo se ɔ, Yesu de ke, “Jehanɛ ɔ, a wo Nɔmlɔ Bi ɔ hɛ mi nyami; nɛ a gu e nɔ kɛ wo Mawu hɛ mi nyami.

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 3:14

Bɔ nɛ Mose wo sinɔ ɔ nɔ ngɛ nga a nɔ ɔ, jã nɔuu nɛ e sa kaa a wo Nɔmlɔ Bi ɔ nɔ,

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Yohane 6:53

Yesu de mɛ ke, “I ngɛ nyɛ dee anɔkuale mi ke, ke nyɛ yi Nɔmlɔ Bi ɔ he lo, nɛ́ nyɛɛ nu e muɔ ɔ, nyɛ be wami nae.

Yohane 6:62

Ke nyɛ na Nɔmlɔ Bi ɔ nɛ kpale kɛ yaa hiɔwe he nɛ e je kɛ ba a, kɛ nyɛ maa pee kɛɛ?

Ni Tsumi 7:56

Kɛkɛ nɛ e de ke, “Nyɛɛ hyɛ, i na hiɔwe nya nɛ bli nɛ Nɔmlɔ Bi ɔ daa si ngɛ Mawu hiɔ nɔ!”

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.