Mateo 8:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ mlaa tsɔɔlɔ ko ba e ngɔ ba de lɛ ke, “Tsɔɔlɔ, he tsuaa he nɛ o yaa a, i kɛ mo maa ya.”

Somi He Ɔ

¹⁹ Nɛ mlaa tsɔɔlɔ ko ba e ngɔ ba de lɛ ke: “Tsɔɔlɔ, he tsuaa he nɛ o yaa a ma nyɛɛ o se.”

Mateo 8:19 ပူးပေါင်းရင်းမြစ်များ

Luka 14:33

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

1 Korintobi 16:6

Eko ɔ, ma hi nyɛ ngɔ be saii, nɛ ma ye fĩɛ be ɔ po ngɛ nyɛ ngɔ. Lɔ ɔ se ɔ, nyɛ maa wo mi blɔ kɛ ya he tsuaa he nɛ ma yaa.