Mateo 8:16 - BAIBLO ALOO NGMAMI KLƆUKLƆU Ɔ

¹⁶ Jamɛ a gbɔkuɛ ɔ, a ngɔ nihi babauu nɛ mumi yayamihi ngɛ a mi kɛ ba Yesu ngɔ. E hia mumi yayami ɔmɛ kɛ je ni ɔmɛ a mi, nɛ e tsa hiɔtsɛmɛ ɔmɛ tsuo.

Somi He Ɔ

¹⁶ Jamɛ a gbɔkuɛ ɔ, a kɛ nihi fuu nɛ mumi yayamihi ngɛ a mi ba e ngɔ. Nɛ e kɛ e munyu hia mumi ɔmɛ, nɛ e tsa hiɔtsɛmɛ ɔmɛ tsuo.

Mateo 8:16 ပူးပေါင်းရင်းမြစ်များ

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 8:15

E pɛtɛ yo ɔ nine si, kɛkɛ nɛ asla a po ngɛ e nɔ, nɛ e bɔni mɛ sɔmɔmi.

Mateo 8:33

Kpotoo hyɛli ɔmɛ tu fo kɛ ya sɛ ma a mi, nɛ a ya sɛɛ sane ɔ tsuo, kɛ nɔ́ nɛ ba nihi nɛ mumi yayamihi ngɛ a mi ɔ a nɔ ɔ hulɔ.

Mateo 9:2

Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Marko 2:3

a ngɔ nɔ ko nɛ hule pue si, nɛ nihi eywiɛ tloo lɛ kɛ ba.

Marko 5:8

(E de enɛ ɔ, ejakaa Yesu ke e yi ke, “Mo mumi yayami, jee nyumu ɔ mi!”)

Marko 9:25

Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Luka 13:12

Benɛ Yesu na lɛ ɔ, e tsɛ lɛ, nɛ e de lɛ ke, “Yo, i ngɛ mo dee ke o hiɔ ɔ ngmɛɛ o he!”

Luka 4:40

Benɛ pu nɔ si ɔ, nihi nɛ ngɛ nyɛmimɛ nɛ hiɔ slɔɔtohi ngɛ a he ɔ, ngɔ mɛ kɛ ba Yesu ngɔ. Yesu ngɔ e nine pue a nɔ kakaaka, nɛ e tsa mɛ tsuo.

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Ni Tsumi 5:15

Nyakpɛ níhi nɛ bɔfo ɔmɛ pee he je ɔ, ke pee ɔ, nihi ngɔɔ hiɔtsɛmɛ kɛ a sa kɛ baa gbɛjegbɛ tue, konɛ ke Petro bee ɔ, e nini kɛkɛ po nɛ nɔ a nɔ.