Mateo 8:13 - BAIBLO ALOO NGMAMI KLƆUKLƆU Ɔ

¹³ Jehanɛ ɔ, Yesu de asafoatsɛ ɔ ke, “Moo ya; bɔ nɛ o he ye ɔ, é ba mi ja ha mo.” Jamɛ a ngmlɛfia a nɔuu ɔ, a tsa nyɔguɛ ɔ.

Somi He Ɔ

¹³ Nɛ Yesu de aslaafohi lafa a nyatsɛ ɔ ke: “Yaa, bɔ nɛ o he ye ɔ, a pee ja ha mo.” Nɛ a tsa e wenyumu ɔ ngɛ lɛ ngmlɛfia a nɔuu nɔ.

Mateo 8:13 ပူးပေါင်းရင်းမြစ်များ

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Mateo 15:28

Jehanɛ Yesu de lɛ ke, “Yo, o hemi kɛ yemi kle! Nɔ́ nɛ o ngɛ hlae ɔ, a pee ha mo!” Nɛ jamɛ a ngmlɛfia a nɔuu ɔ, a tsa e biyo ɔ.

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Mateo 9:22

Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Marko 7:29

Yesu de lɛ ke, “Nɔ́ nɛ o de nɛ ɔ he ɔ, yaa! Mumi yayami ɔ je o biyo ɔ mi.”

Marko 9:23

Yesu de lɛ ke, “O ngɛ dee ke, Ke o ma nyɛ, pi jã a? A ma nyɛ pee nɔ́ tsuaa nɔ́ ha nɔ nɛ heɔ yeɔ ɔ!”

Yohane 4:50

Yesu de lɛ ke, “Yaa, o bi ɔ yi na wami.” Munyu ɔ nɛ Yesu tu nyumu ɔ, e he ye, nɛ e pue nɔ kɛ ho.