Mateo 7:3 - BAIBLO ALOO NGMAMI KLƆUKLƆU Ɔ

³ Mɛni he je nɛ o naa ngu nyafii nɛ ngɛ o nyɛmi hɛngmɛ nɔ nɛ plai nɛ ngɛ mo nitsɛ o hɛngmɛ nɔ ɔ lɛɛ o nɛ ɔ?

Somi He Ɔ

³ Se mɛni he je o naa ngu nyafii nɛ ngɛ o nyɛmi hɛngmɛ nɔ ɔ, nɛ mo nitse o hɛngmɛ nɔ plai ɔ lɛɛ o nɛ ɔ?

Mateo 7:3 ပူးပေါင်းရင်းမြစ်များ

Mateo 7:4

Kɛ o ma plɛ kɛ de o nyɛmi ke, ‘Ha ma je ngu nyafii ɔ ngɛ o hɛngmɛ nɔ;’ be mi nɛ plai ngɛ mo nitsɛ o hɛngmɛ nɔ ɔ?

Mateo 7:5

Osatotsɛ! Je plai ɔ ngɛ mo nitsɛ o hɛngmɛ nɔ kekle. Ke o pee jã loko o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Luka 18:11

“Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.