Mateo 7:29 - BAIBLO ALOO NGMAMI KLƆUKLƆU Ɔ

²⁹ E tsɔɔ mɛ ní kaa nɔ ko nɛ hɛɛ blɔ nya, se pi kaa bɔ nɛ mlaa tsɔɔli ɔmɛ tsɔɔ ní ɔ.

Somi He Ɔ

²⁹ ejakaa e tsɔɔ mɛ ni kaa nɔ ko nɛ ngɛ he blɔ, se pi kaa a mlaa tsɔɔli ɔmɛ.

Mateo 7:29 ပူးပေါင်းရင်းမြစ်များ

Fiɛlɔ 8:4

Ke matsɛ tu munyu ɔ, he wami ngɛ se. Mɛnɔ ma nyɛ ma de matsɛ ke, “Mɛni lɛ o pee nɛ ɔ?”

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 5:20

I ngɛ nyɛ dee ke loko nyɛ maa sɛ hiɔwe matsɛ yemi ɔ mi ɔ, ja nyɛ ye anɔkuale ngɛ nɔ́ nɛ Mawu ngɛ hlae nɛ nyɛɛ pee ɔ mi pe mlaa tsɔɔli ɔmɛ, kɛ Farisi bi ɔmɛ.

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Mateo 5:32

Se imi lɛɛ i ngɛ nyɛ dee ke, ke nɔ ko fie e yo nɛ pi kaa yo ɔ ya bɔ ajuama a, e ha nɛ yo ɔ puɛ gba. Ke nɔ ko fie e yo ɔ, nɔ kpa nɛ ya ngɔ yo nɛ ɔ, lɛ hu e puɛ gba.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Mateo 7:28

Benɛ Yesu tu munyu nɛ ɔmɛ gbe nya a, ni ɔmɛ a nya kpɛ a he ngɛ bɔ nɛ e plɛ kɛ tsɔɔ ní ɔ he.

Mateo 8:1

Benɛ Yesu kple si kɛ je yo ɔ nɔ ɔ, nihi babauu nyɛɛ e se.

Luka 20:8

Yesu de mɛ ke, “He blɔ nɛ i ngɛ nɛ i kɛ peeɔ ní nɛ ɔmɛ ɔ, imi hu i be nyɛ tsɔɔe!”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Ni Tsumi 6:10

Se Mumi Klɔuklɔu ɔ ha Stefano nile, nɛ benɛ e tu munyu ɔ, a nyɛ we nya nɛ a da.