Mateo 7:19 - BAIBLO ALOO NGMAMI KLƆUKLƆU Ɔ

¹⁹ Tso tsuaa tso nɛ wui yiblii kpakpa a, a hɛɛ, nɛ a sakeɔ kɛ fɔɔ la mi.

Somi He Ɔ

¹⁹ Tso tsuaa tso nɛ wui yiblii kpakpahi ɔ, a maa hɛ nɛ a maa ngɔ ngɔ wo la mi?

Mateo 7:19 ပူးပေါင်းရင်းမြစ်များ

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Mateo 7:18

Tso kpakpa be nyɛe maa wo yiblii yaya, nɛ tso yaya hu be nyɛe maa wo yiblii kpakpa.

Luka 3:9

Amlɔ nɛ ɔ, gbiɛ ɔ fɔɔ si ngɛ tso si poku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.”

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

Hebribi 6:8

Se ke mio, kɛ hu lɛ puɛɔ ngɛ nɔ ɔ, lɛɛ se nami ko be he kulaa. Mawu maa gbiɛ zugba a, nɛ nyagbe ɔ, a kɛ la maa sã lɛ.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.