Mateo 7:16 - BAIBLO ALOO NGMAMI KLƆUKLƆU Ɔ

¹⁶ a ní peemi níhi nyɛɛ kɛ maa le mɛ. Mio tso wui wai yiblii, nɛ zezle hu wui ngmɔkɔ.

Somi He Ɔ

¹⁶ A yiblii ɔmɛ nyɛ ma kɛ le mɛ. Anɛ a tsɔɔ wai yiblii ngɛ mio tsohi a nɔ, aloo a tsɔɔ ngmɔkɔ ngɛ sezlehi anɔ?

Mateo 7:16 ပူးပေါင်းရင်းမြစ်များ

Abɛ Womi 20:11

Jokuɛyo tete po e ní peemi níhi a kɛ yoɔ lɛ kaa e yeɔ anɔkuale, loo e peeɔ nɔ́ nɛ da.

Mateo 12:33

“Ke o du tso kpakpa a, e maa wo yiblii kpakpa; ke tso ɔ hí ɔ, e maa wo yiblii yaya. Tso yiblii nɛ a kɛ leɔ tso.

Mateo 7:20

Lɔ ɔ he ɔ, níhi nɛ lakpa gbali ɔmɛ peeɔ ɔ, lɔ ɔmɛ nyɛɛ kɛ maa le mɛ.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Yakobo 2:18

Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.

Yakobo 3:12

Ye nyɛmimɛ, anɛ ngmɔkɔ tso ma nyɛ wo oliv tso yiblii lo? Anɛ wai tso ma nyɛ wo ngmɔkɔ lo? Jã nɔuu ngo nyu be nyɛe maa pee nyu mua.

Samuel I, 24:13

Nimeli bu abɛ ke, ‘Nimli yayamihi a dɛ mi nɛ nɔ́ yayami jeɔ.’ Se imi lɛɛ ye nine be o he sae.