Mateo 7:15 - BAIBLO ALOO NGMAMI KLƆUKLƆU Ɔ

¹⁵ “Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Somi He Ɔ

¹⁵ “Nyɛɛ hyɛ saminya ngɛ osato gbali ɔmɛ a he, ejakaa a ngɔɔ to he womi ngɔ haa a he kɛ baa nyɛ ngɔ, se a mi mi je ɔ ogbetee ni hali ji mɛ.

Mateo 7:15 ပူးပေါင်းရင်းမြစ်များ

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Ezekiel 13:16

Jamɛ a gbali ɔmɛ de Yerusalem bi ɔmɛ ke sane yobu ko kulaa be a nɔ bae; mamoo haomi mohu lɛ ma!” Nyɔmtsɛ Yawɛ lɛ de.

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Ezekiel 22:27

Ganɔ ɔmɛ ngɛ kaa ogbeteehi nɛ ngɛ a de lo mi tsɔtslɔɔe. A gbeɔ nɔ, bɔ nɛ pee nɛ a na ní yaka.

Daniel 11:34

Be mi nɛ a ngɛ Mawu ma mi bi ɔmɛ gbee ɔ, ni komɛ ma ba je ngmlaa ha mɛ kɛ̃. Se ngmlaa jeli nɛ ɔmɛ a ti nihi babauu maa ba ngɛ mɛ nitsɛmɛ a se nami he.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Zakaria 13:4

Jamɛ a be ɔ, e maa pee gbali tsuo zo kaa nina nɛ maa je kpo ha mɛ ɔ, a ma de, loo kaa a ma tsɛ mɛ gbali tete. A be tade kunyaa woe nɛ a kɛ sisi nihi hu.

Mateo 10:17

Nyɛ hɛ nɛ hi nyɛ he nɔ; ejakaa nihi maa nuu nyɛ, nɛ a maa kojo nyɛ, nɛ a maa fia nyɛ kpa ngɛ kpe he ɔmɛ.

Mateo 16:11

Mɛni he je nyɛ nui sisi kaa pi abolo he munyu nɛ i kɛ nyɛ ngɛ tue ɔ? Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Mateo 16:6

Yesu de mɛ ke, “Nyɛɛ hyɛ saminya! Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Mateo 24:11

Lakpa gbali babauu maa te si, nɛ a maa mlɔɔ nihi fuu.

Mateo 7:14

Se agbo nɛ kɛ nɔ yaa wami mi ɔ ngɛ tokofii; blɔ ɔ hu hí, nɛ nihi bɔɔ pɛ lɛ naa blɔ ɔ.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 6:26

“Musu tloo nyɛ, ke nihi tsuo tuɔ nyɛ he munyu kpakpa; ejakaa ja nɔuu a nɛmɛ ɔmɛ pee lakpa gbali ɔmɛ!

Yohane 10:12

Apaa yelɔ ɔ, pi to hyɛlɔ ji lɛ, ejakaa to ɔmɛ pi e níhi. Lɔ ɔ he ɔ, ke e na ogbetee nɛ ma a, e siɔ to ɔmɛ, nɛ e tuu fo kɛ jeɔ. Kɛkɛ ɔ, ogbetee ɔ ba nuɔ to ɔmɛ, nɛ a gbɛɛ fĩaa.

Ni Tsumi 13:40

Lɔ ɔ he ɔ, nyɛɛ hyɛ nɛ hi, konɛ nɔ́ nɛ gbali ɔmɛ de ɔ kó ba nyɛ nɔ. A ke,

Ni Tsumi 13:6

A nyɛɛ nane kɛ gu zugba kpɔ ɔ tsuo nɔ kɛ ba su Pafo. A na Yuda no kunya yelɔ lakpa gbalɔ ko nɛ a tsɛɛ lɛ Bar-Yesu ngɛ lejɛ ɔ.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.