Mateo 7:13 - BAIBLO ALOO NGMAMI KLƆUKLƆU Ɔ

¹³ “Nyɛɛ sɛ agbo tokofii ɔ mi, ejakaa agbo nɛ kɛ nɔ yaa hɛ mi kpatami mi ɔ mi bli. Blɔ nɛ yaa lejɛ ɔ hu ngɛ gbajaa, nɛ nihi babauu nyɛɛɔ nɔ kɛ sɛɛ mi.

Somi He Ɔ

¹³ “Nyɛɛ sɛ agbo tokofii ɔ mi! Ejakaa agbo nɛ bli kɛ blɔ gbajaa ji nɔ nɛ kɛ nɔ yaa hemi kpatami mi ɔ nɛ, nɛ nihi babauu lɛ sɛɛ mi.

Mateo 7:13 ပူးပေါင်းရင်းမြစ်များ

Abɛ Womi 16:25

Blɔ nɛ moo o susu kaa e da a, nyagbe ɔ, e kɛ mo yaa gbenɔ mi.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Abɛ Womi 9:6

Kpa bɔmi kɛ nihi nɛ be juɛmi, nɛ o yi nɛ na wami. Hla nile se blɔ!”

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Kpojemi 20:3

Kɛkɛ nɛ e hɛ lɛ ngɔ fɔ muɔ voo ɔ mi, nɛ e nga sinya ngɔ wo e yi, nɛ e sɔu muɔ ɔ nya, konɛ e hi lejɛ ɔ jeha akpe. Jamɛ a be ɔ, e be nyɛe maa sisi je ma amɛ hu. Jeha akpe ɔ se ɔ, a maa pɛne lɛ be bɔɔ ko.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

Luka 14:33

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Luka 9:33

Benɛ nyumu ɔmɛ ngɛ Yesu sie ɔ, Petro de lɛ ke, “Nyɔmtsɛ, e hi kaa wa ngɛ hiɛ ɔ! Wa maa ma bo tsu etɛ, o nɔ́ kake, Mose nɔ́ kake, kɛ Eliya hu nɔ́ kake.” (Se e li nɔ́ nɛ e ngɛ dee tete).

Abɛ Womi 7:27

Ke o su e we ɔ mi ɔ, lɛɛ blɔ kpiti nɛ a guu kɛ yaa gbeje ɔ, e nɔ lɛ o ngɛ kɛ yaa a nɛ.

Yesaya 35:8

A maa je gbɛjegbɛ ko ngɛ lejɛ ɔ, nɛ a ma tsɛ lɛ ke “Blɔ klɔuklɔu.” Yayami peelɔ ko yayami peelɔ ko be nyɛe ngɛ jamɛ a blɔ ɔ nɔ gblegbleegble; nɛ blɔ hialɔ kuasia ko be tlae kɛ ba blɔ nɛ ɔ nɔ.

Mateo 7:14

Se agbo nɛ kɛ nɔ yaa wami mi ɔ ngɛ tokofii; blɔ ɔ hu hí, nɛ nihi bɔɔ pɛ lɛ naa blɔ ɔ.