Mateo 7:12 - BAIBLO ALOO NGMAMI KLƆUKLƆU Ɔ

¹² “Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ha nyɛ ɔ, nyɛ hu nyɛɛ pee ja nɔuu ngɔ ha mɛ. Mose mlaa a, kɛ ní nɛ gbali ɔmɛ tsɔɔ ɔ sisi ji nɛ ɔ nɛ.

Somi He Ɔ

¹² “Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ngɔ ha nyɛ ɔ, nyɛ hu nyɛɛ pee ja nɔuu ngɔ ha mɛ, ejakaa enɛ ɔ ji mlaa a kɛ gbali ɔmɛ.”

Mateo 7:12 ပူးပေါင်းရင်းမြစ်များ

Ezekiel 18:21

“Ke yayami peelɔ kpa yayami peemi, nɛ e yeɔ ye mlaa a nɔ, nɛ e peeɔ nɔ́ nɛ da a, e be gboe; niinɛ, e yi ma na wami.

Mose III, 19:18

Koo ye mo nitsɛ o he lue, nɛ koo nyɛ o ma a mi bi ɔmɛ a ti nɔ ko nɔ ko; se mohu, moo suɔ o nyɛmi nɔmlɔ kaa bɔ nɛ o suɔ mo nitsɛ o he ɔ. Imi ji Yawɛ.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mateo 5:17

“Nyɛ ko susu kaa i ba nɛ ma ba gu Mose mlaa a, kɛ níhi nɛ gbali ɔmɛ tsɔɔ ɔ. Dɛbi! I bɛ mɛ gumi; se mohu, i ba, konɛ ma ba tsɔɔ a sisi saminya.

Luka 6:31

Bɔ nɛ nyɛ suɔ nɛ nihi nɛ pee ngɔ ha nyɛ ɔ, nyɛ hu nyɛɛ pee ngɔ ha mɛ ja nɔuu.

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.