Mateo 6:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Somi He Ɔ

⁹ Lɔ ɔ he ɔ nyɛɛ sɔle kikɛ: ‘Wa tsɛ nɛ ngɛ hiɔwe, O biɛ ɔ he nɛ tsɔ;

Mateo 6:9 ပူးပေါင်းရင်းမြစ်များ

Samuel II, 7:26

O biɛ maa jije kɛ maa ya neneene, nɛ nihi ma de ke, Yawɛ Tabohiatsɛ ɔ ji Israel Mawu. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Matsɛmɛ I, 8:43

moo bu e pɛɛ kpami ɔ tue. Moo nu ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ; bɔ nɛ pee nɛ nimli tsuo nɛ ngɛ je ɔ mi ɔ, a le mo, nɛ a bu mo kaa bɔ nɛ o ma, Israel bi ɔmɛ buu mo ɔ. Kɛkɛ ɔ, a maa le kaa we nɛ ɔ nɛ i po ɔ ji he nɛ sa nɛ a ja mo ngɛ.

Kronika I, 17:24

O biɛ maa jije kɛ maa ya neneene, nɛ nihi ma de ke, ‘Yawɛ Tabohiatsɛ ɔ ji Israel Mawu’. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Kronika II, 20:6

nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

La 72:18

A je Yawɛ, Israel Mawu ɔ yi; lɛ nɔ kake too lɛ e peeɔ nyakpɛ níhi!

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Ezekiel 36:23

Ye biɛ ɔ nɛ nyɛ ble ngɛ je ma amɛ a kpɛti ɔ, ma pee lɛ klɔuklɔu. Kɛkɛ ɔ, je ma amɛ maa le kaa imi ji Yawɛ. Imi, Nyɔmtsɛ Yawɛ lɛ i de. Ma gu nyɛ, ye ma a nyɛ nɔ kɛ tsɔɔ je ma amɛ kaa nɔ klɔuklɔu ji mi.

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mateo 10:29

Otoklii enyɔ ɔ, anɛ pi sika nɛ a yeɔ ɔ mi nyafii pe kulaa kake pɛ nɛ a juaa mɛ lo? Se a ti nɔ kake nɔɛ zugba nɛ pi nyɛ Tsɛ ɔ suɔmi nya.

Mateo 23:9

Nyɛ ko tsɛ nɔ ko nɔ ko ngɛ zugba a nɔ ‘Tsɛ’, ejakaa Tsɛ kake pɛ nyɛ ngɛ nɛ ngɛ hiɔwe.

Mateo 26:29

I ngɛ nyɛ dee ke, i be wai nɛ ɔ nue hu gblegbleegble kɛ yaa si ligbi ɔ nɛ i kɛ nyɛ maa nu wai he ɔ ngɛ Tsaatsɛ matsɛ yemi ɔ mi.”

Mateo 26:42

Yesu pue nɔ kɛ ho si enyɔne, nɛ e ya sɔle ke, “Tsaatsɛ, ke a be amanehlu kplu nɛ ɔ jee kɛ je ye he kɛ ya se, nɛ ja i nu ɔ, lɛɛ a pee bɔ nɛ o suɔ.”

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Mateo 6:14

“Ke nyɛɛ kɛ nihi a tɔmihi pa mɛ ɔ, nyɛ Tsɛ nɛ ngɛ hiɔwe ɔ kɛ nyɛ hu nyɛ tɔmihi maa pa nyɛ.

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Luka 15:18

Ma te si, nɛ ma ya tsaatsɛ ngɔ, nɛ ma ya de lɛ ke, Tsaatsɛ, i pee yayami kɛ si Mawu, nɛ mo hu i pee mo yayami,

Luka 15:21

E bi ɔ de lɛ ke, ‘Tsaatsɛ, i pee yayami kɛ si Mawu, nɛ mo hu i pee mo yayami, nɛ i sɛ kaa a tsɛɔ mi o bi hu.’

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Galatabi 1:1

Imi bɔfo Paulo, kɛ nyɛmimɛ ɔmɛ kulaa nɛ kɛ mi ngɛ ɔ ngma womi nɛ ɔ ya ha Galatia asafo ɔmɛ. Pi nɔmlɔ nɛ pee mi bɔfo, nɛ pi adesa hu nɔ nɛ a gu kɛ hla mi ke ma ba pee bɔfo, se mohu Yesu Kristo, kɛ Tsɛ Mawu nɛ tle lɛ si kɛ je gbeje ɔ a nɔ i gu kɛ na blɔ nya nɛ ɔ.

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

Kpojemi 5:12

Nɛ a ngɛ lae kɛ ngmlaa boboobo ke, “To bi nɛ a gbe ɔ, e sa kaa a ngɔ he wami, ní nami, nile, agboje, bu, hɛ mi nyami, kɛ yi jemi kɛ ha lɛ.”