Mateo 6:4 - BAIBLO ALOO NGMAMI KLƆUKLƆU Ɔ

⁴ moo ke nɔ́ ngɛ laami mi. Kɛkɛ ɔ, o Tsɛ ɔ nɛ lɛɛ e naa níhi nɛ a peeɔ ngɛ laami mi ɔ maa wo mo hiɔ.

Somi He Ɔ

⁴ O kpakpa peemi ɔ nɛ hi laami mi, nɛ o tsɛ nɛ naa laami mi nihi ɔ nitse maa wo mo hiɔ.”

Mateo 6:4 ပူးပေါင်းရင်းမြစ်များ

La 139:12

lɔ ɔ lɛɛ yaka gu, ejakaa diblii pee we diblii ha mo, nɛ nyɔ mi tsɔɔ heii kaa piani nɔuu; diblii jio, la jio, lɛ tsuo kake ha mo.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

Abɛ Womi 25:22

Ke o pee ja a, zo kpɔtɔɔ maa gbe lɛ, nɛ Yawɛ maa gbaa mo.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

Mateo 6:18

Ni kpahi nɛ a ko na kaa nyɛ ngɛ hwɔ hae, ja nyɛ Tsɛ nɛ a nɛ lɛ ɔ pɛ. Kɛkɛ ɔ, nyɛ Tsɛ ɔ nɛ naa nɔ́ nɛ a peeɔ ngɛ laami mi ɔ ma ha nyɛ nɔ́ nɛ ngɛ nyɛ hiae ɔ.

Mateo 6:3

Se moo lɛɛ ke o maa ke nɔ́ ɔ, ko ha nɛ o huɛ nitsɛnitsɛ tete po nɛ le;

Mateo 6:6

Se moo lɛɛ ke o maa sɔle ɔ, yaa sɛ o tsu mi, nɛ o nga sinya a, nɛ o sɔle ngɔ ha o Tsɛ nɛ a nɛ lɛ ɔ. Nɛ o Tsɛ nɛ naa níhi nɛ a peeɔ ngɛ laami mi ɔ maa wo mo hiɔ.

Luka 14:14

nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

Luka 8:17

“Nɔ́ ko be nɛ a kɛ laa nɛ a be kpo jee; jehanɛ ɔ hu, nɔ́ ko be nɛ a bu nɔ, nɛ a be nae, nɛ a be kpo jee.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.