Mateo 6:30 - BAIBLO ALOO NGMAMI KLƆUKLƆU Ɔ

³⁰ Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Somi He Ɔ

³⁰ Jeha nɛ ɔ ke nga nɔ hu nɛ mwɔnɛ e ngɛ nɛ hwɔ nɛ a kɛ woɔ abolo tsu mi nɛ Mawu miaa lɛ kikɛ ɔ, anɛ e be nɔ́ nɛ pe enɛ pee ha nyɛ nɛ nyɛ hemi kɛ yemi pi ɔ lo?

Mateo 6:30 ပူးပေါင်းရင်းမြစ်များ

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Mateo 14:31

Amlɔ ɔ, Yesu kpã e nine mi, nɛ e pɛtɛ e he, nɛ e de lɛ ke, “Mo nɛ o hemi kɛ yemi pi! Mɛni he je nɛ o je nɔ́?”

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Marko 4:40

Kɛkɛ nɛ Yesu de e kaseli ɔmɛ ke, “Mɛni he je nyɛ ngɛ gbeye yee kikɛ nɛ ɔ? Kɛ pee kɛɛ loko nyɛ be hemi kɛ yemi ɔ?”

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Luka 12:28

Hu, nɛ mwɔnɛ ɔ e ngɛ, nɛ hwɔɔ kɛkɛ a sake lɛ ngɔ fɔ flɔɔnɔɔ mi nɛ e ngla a, Mawu lɛ wo lɛ tade saminyayoo ɔ nɛ. Ke Mawu mia hu kikɛ nɛ ɔ, anɛ e be nyɛ miae hluu pe ja lo? Nyɛ hemi kɛ yemi pi pɛ!

Luka 9:41

Yesu he nɔ nɛ e de ke, “Oo yi nɔ bi nɛ be hemi kɛ yemi nɛ a kplɛɛ we tsakemi, mɛni be i kɛ nyɛ maa hi si kɛ yaa si?” Kɛkɛ nɛ e de nyumu ɔ ke, “O kɛ o bi ɔ nɛ ba hiɛ ɔ!”

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,