Mateo 6:25 - BAIBLO ALOO NGMAMI KLƆUKLƆU Ɔ

²⁵ “Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

Somi He Ɔ

²⁵ “Lɔ ɔ he ɔ, i ngɛ nyɛ dee ke: Nyɛ ko hao ngɛ nyɛ wami he, nɔ nɛ nyɛ maa ye kɛ nɔ nɛ nyɛ maa nu, aloo nɔ nɛ nyɛ maa wo ngɛ nyɛ nɔmlɔ tso ɔ he. Anɛ wami pa we ngma, nɛ nɔmlɔ tso pa we tade lo?

Mateo 6:25 ပူးပေါင်းရင်းမြစ်များ

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

1 Petro 5:7

Nyɛɛ ngɔ nyɛ haomi ɔmɛ tsuo ngɔ fɔ e nɔ; ejakaa lɛ nɛ e hyɛɛ nyɛ nɔ.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

Mateo 6:31

“Lɔ ɔ he ɔ, nyɛ ko hao nyɛ he nɛ nyɛ bi ke, ‘Mɛni wa maa ye? Aloo mɛni wa maa nu? Aloo mɛni wa maa ngɔ kɛ ha wa he?’

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Mateo 10:19

Ke a ngɔ nyɛ kɛ ho ɔ, nyɛ ko hao nyɛ he ngɛ nɔ́ nɛ nyɛ ma de, kɛ bɔ nɛ nyɛ ma plɛ kɛ de lɛ ha a he. Ke be ɔ su ɔ, a maa tsɔɔ nyɛ nɔ́ nɛ nyɛ ma de.

1 Korintobi 7:32

I suɔ kaa nyɛɛ hi si nɛ nɔ́ ko nɔ́ ko kó hao nyɛ. Nyumu nɛ be yo ɔ ngɔɔ e he ngɔ woɔ Nyɔmtsɛ ɔ ní tsumi ɔ mi, nɛ e bɔɔ mɔde kaa e maa pee Nyɔmtsɛ ɔ suɔmi nya ní.

Mateo 6:34

Lɔ ɔ he ɔ, nyɛ ko hao nyɛ he ha hwɔɔ; ejakaa hwɔɔ hu ma kɛ lɛ nitsɛ e haomihi babauu. Haomihi nɛ baa daa ligbi ɔ, e hia we kaa waa ngɔ ekpa ko kɛ ba piɛ ligbi ko nɔ́ he hu.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Luka 12:11

“Ke a ngɔ nyɛ kɛ ba kpe he ɔmɛ, loo matsɛmɛ, loo ganɔhi a hɛ mi ɔ, bɔ nɛ nyɛ ma plɛ kɛ fa nyɛ he, kɛ nɔ́ nɛ nyɛ ma de ɔ, lɔ ɔ nɛ ko hao nyɛ kulaa.

Marko 13:11

Se ke a ngɔ nyɛ kɛ ya kojomi he ɔ, nyɛ ko hao nyɛ he ngɛ nɔ́ nɛ nyɛ ma de he. Ke be ɔ su ɔ, nɔ́ tsuaa nɔ́ nɛ a ngɔ wo nyɛ nya a, lɔ ɔ nyɛ de. Ejakaa munyu nɛ maa je nyɛ nya a, pi nyɛ nɔ́, se mohu Mumi Klɔuklɔu ɔ nɔ́.

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”