Mateo 6:24 - BAIBLO ALOO NGMAMI KLƆUKLƆU Ɔ

²⁴ “Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Somi He Ɔ

²⁴ “Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Mateo 6:24 ပူးပေါင်းရင်းမြစ်များ

Mose I, 47:17

A ya ngɔ a we okpɔngɔ ɔmɛ, to ɔmɛ, na amɛ, kɛ teji ɔmɛ kɛ ba ha Yosef; nɛ e ha mɛ niye ní kɛ to lohwe ɔmɛ a nya. Jamɛ a jeha a tsuo ɔ, Egipt bi ɔmɛ ngɔ a lohwehi tsuo kɛ ba Yosef ngɔ kɛ ba tsake niye ní.

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Matsɛmɛ II, 17:41

Lɔ ɔ he ɔ, je ma nɛ ɔmɛ sɔmɔɔ Yawɛ, nɛ a jaa mɛ nitsɛmɛ a we amaga amɛ hulɔ. Nɛ bɔ nɛ tsɛmɛ ɔmɛ pee blema a, ja nɔuu nɛ bimɛ ɔmɛ, kɛ bibimɛ ɔmɛ ngɛ pee kɛ ba si mwɔnɛ ɔ.

Ezekiel 20:39

Nyɔmtsɛ Yawɛ ke, “Amlɔ nɛ ɔ lɛɛ, nyɛ Israel bi, nyɛɛ pee nɔ́ nɛ nyɛ suɔ; nɔ tsuaa nɔ nɛ ya sɔmɔ e we amagahi. Se pee se ɔ, nyɛ maa bu mi tue kɛ̃; nyɛ be nyɛ we amaga amɛ ngɔe kɛ ble ye biɛ klɔuklɔu ɔ hu.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Luka 16:11

Ke je nɛ ɔ mi ní po nyɛ yi anɔkuale ngɛ mi ɔ, mɛnɔ maa tu ní nami nitsɛnitsɛ ɔ ngɔ wo nyɛ dɛ mi?

Luka 16:13

“Sɔmɔlɔ ko be nyɛe ma sɔmɔ nyɔmtsɛmɛ enyɔ; e maa suɔ nɔ kake pe nɔ kake; e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. Nɔ ko be nyɛe ma sɔmɔ Mawu kɛ sika tsuo.”

Luka 16:9

Yesu ya nɔ de ke, “Lɔ ɔ he ɔ, ma de nyɛ ke nyɛɛ pee ja lo? Ma de nyɛ ke nyɛɛ pee huɛmɛ kɛ gu sisimi blɔ nɔ lo? Anɛ enɛ ɔ ma ha nɛ nyɛ ma na blɔ kɛ ya sihi he nɛ ngɛ kɛ yaa neneene ɔ lo?

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”