Mateo 6:21 - BAIBLO ALOO NGMAMI KLƆUKLƆU Ɔ

²¹ Ejakaa he nɛ o juetli ngɛ ɔ, lejɛ ɔ o tsui hu maa hi.

Somi He Ɔ

²¹ Ejakaa he nɛ o juetli ngɛ ɔ, lejɛ ɔ o tsui maa hi.”

Mateo 6:21 ပူးပေါင်းရင်းမြစ်များ

2 Korintobi 4:18

Wa ngɔ wa hɛ ngɔ fɔ níhi nɛ a nɛ́ nɔ, se pi níhi nɛ a naa. Ejakaa níhi nɛ a naa a, hii si be bɔɔ ko kɛkɛ; se níhi nɛ a nɛ́ ɔ, hii si kɛ yaa neneene.

Luka 12:34

He nɛ nyɛ juetli ngɛ ɔ, lejɛ ɔ nyɛ tsui hu maa hi.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Ni Tsumi 8:21

O be blɔ nya, loo blɔ fa mi nɔ́ ko ngɛ wa ní tsumi nɛ ɔ mi; ejakaa o tsui mi dɛ ngɛ Mawu hɛ mi.

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Filemon 1:3

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Filemon 1:19

Imi Paulo nitsɛ ye nine nya ji nɛ ɔ nɛ, ma wo mo hiɔ ɔ tsuo pɛpɛɛpɛ. E hia we nɛ ma wo nɔ ta ha mo kaa mo nitsɛ tete, Kristo nɛ o le amlɔ nɛ ɔ, o hɛɛ mi o yi nɔ hiɔ po.

Mateo 6:22

“Hɛngmɛ ji nɔmlɔ tso ɔ kane. Ke o hɛngmɛ nɔ tsɔ ɔ, o nɔmlɔ tso ɔ tsuo ma hyi kɛ la.