Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateo 6:2 - BAIBLO ALOO NGMAMI KLƆUKLƆU Ɔ

2 “Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

အခန်းကိုကြည့်ပါ။ ကော်ပီ

Somi He Ɔ

2 “Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

အခန်းကိုကြည့်ပါ။ ကော်ပီ




Mateo 6:2
56 ပူးပေါင်းရင်းမြစ်များ  

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.


Ke nɔmlɔ yayami pa sika a, e wui hiɔ; dalɔ lɛɛ e naa mɔbɔ, nɛ e haa nɔ nɔ́.


Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.


Nihi babauu maa tsɔɔ mo bɔ nɛ a mi mi jɔ ha. Se mo hla anɔkualetsɛ kake too ngɛ a kpɛti kaa o maa na lo.


Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.


I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”


Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.


Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.


Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.


Osatotsɛmɛ! Nɔ́ nɛ Yesaya gba ngɛ nyɛ he ɔ, anɔkuale sisiisi! Yesaya ngma ke,


Mɔtu ɔ, nyɛ deɔ ke, ‘Hiɔmi maa nɛ mwɔnɛ ɔ, ejakaa hiɔwe pee tsutsuu, nɛ je ɔ mi pee kaa nɔ́ nɛ hiɔmi maa nɛ.’ Niinɛ, ke nyɛ hyɛ hiɔwe pɛ nyɛ le kaa je mi ma tsɔ, loo hiɔmi maa nɛ. Se okadihi nɛ kɔɔ yi nɔ nɛ ɔmɛ a he lɛɛ nyɛ be nyɛe maa tsɔɔ sisi!]


Se Yesu na ga yaya a nɛ a to ɔ. Lɔ ɔ he ɔ, e de ke, “Osatotsɛmɛ, mɛni he je nyɛ ngɛ mi dae ɔ?


Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!


A suɔ okplɔɔ yi himi ngɛ ní yemi he, kɛ nikɔtɔmahi a sihi hehi ngɛ kpe he ɔmɛ;


Nyɔmtsɛ ɔ ma tsɔtslɔɔ e mi, nɛ tue gblami nɛ sa osatotsɛmɛ ɔmɛ ɔ, e ma na eko. Lejɛ ɔ nɛ e maa wo ya, nɛ e ma kpe e lungu nya ngɛ.


Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.


“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.


Se moo lɛɛ ke o maa ke nɔ́ ɔ, ko ha nɛ o huɛ nitsɛnitsɛ tete po nɛ le;


“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.


Osatotsɛ! Je plai ɔ ngɛ mo nitsɛ o hɛngmɛ nɔ kekle. Ke o pee jã loko o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.


A suɔ nikɔtɔmahi a hi he ngɛ kpe he ɔmɛ, kɛ ní yemi hehi.


Se Yesu de mɛ ke, “Nɔ́ nɛ Yesaya gba ngɛ nyɛ osatotsɛmɛ nɛ ɔmɛ nyɛ he ɔ ngɛ mi sisiisi kaa bɔ nɛ a ngma ke, ‘Ma nɛ ɔ, a nya kɛkɛ a kɛ puaa imi Mawu ɔ, se a tsui lɛɛ e ngɛ se lokoo.


Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.


“Nyɛ Farisi bi, musu tloo nyɛ! Nyɛ suɔ nikɔtɔmahi a sihi hehi ngɛ kpe he ɔmɛ, nɛ nyɛ suɔ hu nɛ nihi nɛ kpla si kɛ nga nyɛ ngɛ jua nɔ.


Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.


Osatotsɛmɛ! Nyɛ le je nɛ ɔ mi níhi, kɛ hiɔwe níhi a sisi tsɔɔmi. Mɛni he je mɔ nɛ níhi nɛ ngɛ nɔ yae be nɛ ɔ mi ɔ lɛɛ nyɛ li ɔ?


Nyɔmtsɛ ɔ de lɛ ke, “Osatotsɛmɛ! Nyɛ ti mɛnɔ pɛne we e na, loo e teji Hejɔɔmi ligbi ɔ, nɛ e kɛ lɛ ji kpo ya ha we lɛ nyu?


“Nyɛɛ hyɛ nyɛ he saminya ngɛ mlaa tsɔɔli ɔmɛ a he. A suɔ kaa a maa wo tade klɔii kɛ hi nyɛɛe kɛ hi bee. A suɔ kaa nihi nɛ kpla si kɛ nga mɛ ngɛ jua nɔ. A suɔ nikɔtɔmahi a sihi he ngɛ kpe he ɔmɛ; nɛ ke a tsɛ ní yemi ɔ, a suɔ kaa a maa hi okplɔɔ ɔ yi.


“Se nyɛ niatsɛmɛ, musu tloo nyɛ, ejakaa nyɛ bua jɔmi ɔ tsuo ji nɛ ɔ nɛ!


Ko de o nyɛmi ke e ha nɛ o je ngu nyafii nɛ ngɛ e hɛngmɛ nɔ ɔ, be mi nɛ plai agbo nɛ ngɛ mo nitsɛ o hɛngmɛ nɔ ɔ lɛɛ o nɛ. Osatotsɛ! Je plai ɔ ngɛ mo nitsɛ o hɛngmɛ nɔ kekle; kɛkɛ ɔ, o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.


Akɛnɛ Yuda nɛ hɛɛɔ sika kpɛɛ ɔ, kaseli ɔmɛ ekomɛ susu kaa alini Yesu tsɔ lɛ ke e ya he ní nɛ hia nɛ a kɛ maa ye nyami be ɔ, aloo e ngɔ nɔ́ ko ya ha ohiatsɛmɛ.


Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?


Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.


Mawu jalɔ ji lɛ, nɛ e kɛ e we ɔ tsuo yee Mawu gbeye. E peeɔ mami bi dɛgutsɛmɛ ɔmɛ kpakpa hulɔ, nɛ e kpaa Mawu pɛɛ daa.


nɛ e de ke, ‘Kornelio, Mawu nu o kue fami ɔ, nɛ ní kpakpahi nɛ o pee ɔ hu, e ná he bua jɔmi.


Kornelio hyɛ lɛ too; gbeye nu lɛ, nɛ e bi ke, “Nyɔmtsɛ, mɛni sane?” Bɔfo ɔ de lɛ ke, “Kue nɛ o ngɛ fae, kɛ kpakpa nɛ o ngɛ pee ɔ, Mawu na he bua jɔmi.


Lɔ ɔ he ɔ, kaseli ɔmɛ pee a yi mi kaa a ti nɔ tsuaa nɔ ma tsu nɔ́ ko bɔ nɛ e ma nyɛ, konɛ a kɛ ya je ngmlaa ha nyɛmimɛ ɔmɛ ngɛ Yudea.


“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.


Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.


Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.


Ke i ngɔ ye níhi tsuo ngɔ ke, nɛ i ngɔ ye nɔmlɔ tso tete ngɔ ha nɛ a sã mi, se i be suɔmi ɔ, i na we he se ko kulaa.


Nɔ́ kake nɛ a kai wɔ wawɛɛ ngɛ he ji kaa wa hɛ ko je ohiatsɛmɛ ɔmɛ a nɔ; nɛ enɛ ɔ hu ji nɔ́ ko nɛ ngɛ ye tsui nɔ kaa ma pee.


Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.


Wa bɛ, konɛ nimli ba wo wa hɛ mi nyami, nyɛ jio, ni kpahi jio.


A ko pee kpɛle, se a bɔle nine ha nɔ tsuaa nɔ.


Ye nyɛmi, o suɔmi ɔ wo mi he wami, nɛ e ha mi bua jɔmi babauu. O ha nɛ Mawu bimɛ ɔmɛ a tsui nɔ a mi.


Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.


Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.


Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ