Mateo 6:16 - BAIBLO ALOO NGMAMI KLƆUKLƆU Ɔ

¹⁶ “Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Somi He Ɔ

¹⁶ “Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

Mateo 6:16 ပူးပေါင်းရင်းမြစ်များ

Samuel II, 12:16

David kpa Mawu pɛɛ nɛ́ e ha nɛ jokuɛ ɔ nɛ na he wami. David kua ní yemi; nɛ daa nyɔ mi ɔ, e hwɔɔ zugba kɛ ya siɔ je nami.

Samuel II, 12:21

Kɛkɛ nɛ e tsɔli ɔmɛ bi lɛ ke, “Kɛ ji nɔ́ nɛ o pee nɛ ɔ sisi kɛɛ? Benɛ jokuɛ nɛ ɔ ngɛ wami mi ɔ, o ha hwɔ nɛ o fo ya ha lɛ. Se benɛ jokuɛ ɔ gbo mohu ɔ, o te si nɛ o ye ní.”

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Nehemia 1:4

Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

La 109:24

I ha hwɔ hluu kɛ ya si ye nakutsohi a mi gbɔjɔ, nɛ i ta he lo kanakana.

La 35:13

Se imi lɛɛ benɛ a be he wami ɔ, i bu kpekpe ya bo. I ha hwɔ nɛ i kɛ wa ye nɔmlɔ tso ɔ yi mi. I fa kue wawɛɛ ngɛ ye yi mi

La 69:10

Ke i ngɛ kɔmɔ yee nɛ i ngɛ hwɔ hae ɔ, ahlua mohu nɛ nihi bɔɔ mi.

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Mateo 6:2

“Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Marko 2:18

Ligbi ko ɔ, Yohane nɔ sɔlelɔ ɔ kaseli ɔmɛ, kɛ Farisi bi ɔmɛ ngɛ hwɔ hae. Ni komɛ ba Yesu ngɔ ba bi lɛ ke, “Mɛni he je nɛ Yohane kaseli ɔmɛ, kɛ Farisi bi ɔmɛ a kaseli ɔmɛ haa hwɔ, se o kaseli ɔmɛ lɛɛ a hɛ́ hwɔ ɔ?”

Luka 18:12

I haa hwɔ si enyɔ ngɛ otsi mi, nɛ i haa mo níhi tsuo nɛ i naa a mi dlami nyɔngmanyɔngma mi kakaaka.’

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Ni Tsumi 10:30

Kornelio he nɔ ke, “Mwɔnɛ ɔ ji ligbi eywiɛ, maa pee gbɔkuɛ ngmlɛ etɛ ɔ, i ngɛ sɔlee ngɛ ye we ɔ mi. Tlukaa a, nyumu ko nɛ wo tade nɛ ngɛ kpɛe klãiklãi ba da ye hɛ mi,

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

1 Korintobi 7:5

Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

2 Korintobi 11:27

I gbo dengme kɛ tsu ní wawɛɛ nɛ be komɛ mahe hwɔmi be mi. Hwɔ kɛ kuma yeɔ mi; be komɛ po i haa hwɔ; fĩɛ yeɔ mi, nɛ he hami nɔ́ hiaa mi.

2 Korintobi 6:5

A fia wɔ ní; a wo wɔ tsu, nɛ nihi pee basabasa kɛ wo wɔ; wa gbo dengme kɛ tsu ní; wa hwɔ we mahe be komɛ, nɛ be komɛ hu hwɔ yee wɔ.