Mateo 6:1 - BAIBLO ALOO NGMAMI KLƆUKLƆU Ɔ

¹ “Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Somi He Ɔ

¹ “Nyɛɛ hyɛ nɛ hi nɛ nyɛ ko pee nyɛ dami nihi ngɛ ma hɛ mi, ke nyɛ pee ɔ, lɔ ɔ lɛɛ, nyɛ be hiɔwo ko ngɛ nyɛ tsɛ nɛ ngɛ hiɔwe ɔ ngɔ.

Mateo 6:1 ပူးပေါင်းရင်းမြစ်များ

Matsɛmɛ II, 10:16

nɛ e de lɛ ke, “Ha waa ho nɛ o ya hyɛ kɛ o hɛngmɛ níhi nɛ i pee ha Yawɛ.” Nɛ e kɛ lɛ hi ta zugba lɛ ɔ mi kɛ ho Samaria ya.

Matsɛmɛ II, 10:31

Se Yehu yi Yawɛ, Israel Mawu ɔ mlaa a nɔ kɛ e tsui tsuo. Mohu ɔ, e ya wo Yeroboam, nɔ nɛ ha Israel pee yayami ɔ nane.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Zakaria 13:4

Jamɛ a be ɔ, e maa pee gbali tsuo zo kaa nina nɛ maa je kpo ha mɛ ɔ, a ma de, loo kaa a ma tsɛ mɛ gbali tete. A be tade kunyaa woe nɛ a kɛ sisi nihi hu.

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 16:6

Yesu de mɛ ke, “Nyɛɛ hyɛ saminya! Nyɛ hɛ nɛ hi nyɛ he nɔ ngɛ Farisi bi ɔmɛ, kɛ Saduki bi ɔmɛ a masa a he!”

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Marko 8:15

Yesu bɔ mɛ kɔkɔ ke, “Nyɛɛ hyɛ saminya nɛ nyɛ hɛ nɛ hi nyɛ he nɔ ngɛ Farisi bi a masa a, kɛ Herode masa a he!”

Luka 11:35

Lɔ ɔ he ɔ, hyɛ nɛ ngɛ o mi ɔ hi, konɛ la nɛ ko plɛ diblii.

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Yohane 12:43

A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Ni Tsumi 3:12

Benɛ Petro na ni ɔmɛ ɔ, e de mɛ ke, “Ye nyɛmimɛ Israel fɔfɔɛhi, mɛni he je nyɛ hɛ mi pee nyɛ yaa? Mɛni he je nyɛ ngɛ wɔ hyɛe gaa kikɛ nɛ ɔ? Nyɛ susu kaa wɔ nitsɛmɛ wa he wami, aloo wa Mawu nɛ wa jaa saminya he je nɛ nyumu nɛ ɔ ngɛ nyɛɛe nɛ ɔ?

Galatabi 6:12

Nihi nɛ hlaa kaa a maa nyɛ nyɛ nɔ kaa ja a po nyɛ doo ɔ, nihi a hɛ mi kɛkɛ lɛ a ngɛ hlae nɛ a sa. Ejakaa a le kaa ke a de ke loko a ma he nɔ ko yi wami ɔ, ja nɔ ɔ na amanehlu kaa Kristo ɔ, nihi maa wa mɛ yi mi.

Mose V, 24:13

Daa gbɔkuɛ ɔ, kpale kɛ ha lɛ, konɛ e kɛ hwɔ si. Kɛkɛ ɔ, e maa na mo si, nɛ Yawɛ, o Mawu ɔ bua maa jɔ o he.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.