Mateo 5:9 - BAIBLO ALOO NGMAMI KLƆUKLƆU Ɔ

⁹ “A gbaa ni nɛmɛ nɛ kpataa pɛ, ejakaa a ma tsɛ mɛ Mawu bimɛ.

Somi He Ɔ

⁹ “A gbaa ninɛmɛ nɛ kpataa a: se a ma tsɛ mɛ Mawu bimɛ.

Mateo 5:9 ပူးပေါင်းရင်းမြစ်များ

Kronika I, 12:17

David kɛ mɛ ba kpe, nɛ e de mɛ ke, “Ke nyɛ ba ye ngɔ kaa huɛmɛ nɛ ma ye he piɛmi ɔ, i ngɛ nyɛ baba hee hae kɛ je ye tsui mi. Se ke nyɛ ba nɛ nyɛ ba hyɛ ye sihi he, nɛ lɔ ɔ se nyɛ ya tsɔɔ ye se blɔ ngɔ ha ye he nyɛli, be mi nɛ i pee we yayami ko ɔ, lɛɛ wa nɛmɛ ɔmɛ a Mawu ɔ nɛ hyɛ nɛ e wo nyɛ hiɔ.”

La 120:6

Ye se ba kɛ tsɔ ngɛ nihi nɛ sume tue mi jɔmi ɔ a kpɛti.

La 34:12

Mɛnɔ lɛ suɔ kaa e na bua jɔmi ngɛ je mi? Mɛnɔ lɛ suɔ kaa e se nɛ kɛ ngɛ je mi, nɛ e fiɛ e yi nɔ?

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Luka 20:36

A maa pee kaa Mawu bɔfohi, nɛ a be gboe hu. A pee Mawu bimɛ, ejakaa a te si kɛ je gbeje.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Ni Tsumi 7:26

E nɔ jena a, e ba na Israel bi enyɔ nɛ a ngɛ kunɔ nɔe. E ya kpata mɛ, nɛ e de ke, ‘Tsaatsɛmɛ, nyɛɛ lɛɛ nyɛmimɛ ji nyɛ, mɛni he je nyɛ ngɛ kunɔ nɔe?’

Romabi 12:18

Ke e maa hi ɔ, nyɛɛ bɔ mɔde nɛ nyɛɛ kɛ nɔ tsuaa nɔ nɛ hi si ngɛ he jɔmi mi.

Romabi 8:14

Ejakaa nihi abɔ nɛ Mawu mumi ɔ tsɔɔ mɛ blɔ ɔ, mɛ ji Mawu bimɛ.

Romabi 8:16

Mawu mumi ɔ nitsɛ kɛ wɔ hu wa mumi ɔ yeɔ odase kaa Mawu bimɛ ji wɔ.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

1 Korintobi 6:6

Se mohu, nɔ kɛ e nyɛmi yaa kojomi he, nɛ nihi nɛ li Kristo ɔ ya hyɛɛ a sane mi ha mɛ.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Filipibi 4:2

I ngɛ nyɛmiyo Evodia, kɛ nyɛmiyo Sintika pɛɛ kpae kaa a pee kake ngɛ Nyɔmtsɛ ɔ he.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.