Mateo 5:8 - BAIBLO ALOO NGMAMI KLƆUKLƆU Ɔ

⁸ “A gbaa ni nɛmɛ nɛ a tsui mi tsɔ, ejakaa a maa na Mawu.

Somi He Ɔ

⁸ “A gbaa ninɛmɛ nɛ a tsui mi tsɔ ɔ; se a maa na Mawu.

Mateo 5:8 ပူးပေါင်းရင်းမြစ်များ

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Samuel II, 22:27

Nihi nɛ a he tsɔ ɔ, o tsɔɔ mɛ kaa o he tsɔ; se ni nɛmɛ nɛ a yi mi wa lɛɛ o kɛ mɛ toɔ ní.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

La 18:26

Nihi nɛ a he tsɔ ɔ, o jeɔ o he si kɛ tsɔɔ mɛ kaa o he tsɔ. Se yiwutsotsɛmɛ lɛɛ o ha we mɛ hɛ mi kulaa.

La 24:4

Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

La 73:1

Niinɛ, Mawu hi ha Israel; e hi ha ni nɛmɛ nɛ a tsui mi tsɔ.

Abɛ Womi 22:11

Nɔ nɛ tsui mi tsɔ, nɛ e munyu ngɛ blɛuu ɔ, e kɛ matsɛ maa bɔ.

Ni Tsumi 15:9

E tsɔɔ we slɔɔto ko ngɛ waa kɛ mɛ wa kpɛti; akɛnɛ a he ye ɔ, e ngɔ a he yayami ɔmɛ ngɔ pa mɛ.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

Kpojemi 22:4

A maa na e hɛ mi, nɛ a maa ngma e biɛ ngɛ a hɛ nya.