Mateo 5:48 - BAIBLO ALOO NGMAMI KLƆUKLƆU Ɔ

⁴⁸ Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Somi He Ɔ

⁴⁸ Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

Mateo 5:48 ပူးပေါင်းရင်းမြစ်များ

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Samuel II, 22:31

Mawu nɛ ɔ lɛɛ e blɔ ɔmɛ tsuo da; e siwo ɔmɛ hu anɔkuale sɔuu! E ngɛ kaa tsɛ̃i kɛ ha nɔ tsuaa nɔ nɛ ba saa we ngɛ e ngɔ.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mateo 5:47

Nɛ ke nyɛ ngaa nyɛ huɛmɛ ɔmɛ kɛkɛ ɔ, mɛni tsɔ lɛ nyɛ ngɛ pee pe ni kpahi? Anɛ ma je li ɔmɛ tete pee we ja nɔuu lo?

Luka 6:36

Nyɛɛ na nɔ tsuaa nɔ mɔbɔ kaa bɔ nɛ nyɛ Tsɛ Mawu naa nɔ tsuaa nɔ mɔbɔ ɔ.

Luka 6:40

Kaselɔ pã we e tsɔɔlɔ. Kaselɔ ɔ, ke a tsɔɔ lɛ nɔ́ tsuaa nɔ́ nɛ e hia kaa e le ɔ, e maa pee kaa e tsɔɔlɔ ɔ.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Mose V, 18:13

Moo ye Yawɛ, o Mawu ɔ anɔkuale kɛ pi si.”

Mose V, 27:10

Lɔ ɔ he ɔ, nyɛɛ bu Yawɛ, nyɛ Mawu ɔ gbi tue, nɛ nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.”

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Yakobo 1:4

Nyɛɛ to nyɛ tsui si saminya kɛ gblee kahi tsuo a mi kɛ manye, konɛ nyɛɛ hi kɛ pi si kulaa, nɛ nɔ́ ko nɔ́ ko kó hia nyɛ.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.