Mateo 5:42 - BAIBLO ALOO NGMAMI KLƆUKLƆU Ɔ

⁴² Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Somi He Ɔ

⁴² Ha nɔ nɛ ngɛ mo nɔ́ bae ɔ, nɛ nɔ nɛ ngɛ hlae nɛ o pa lɛ nɔ́ ko ɔ, koo nyɛ lɛ he.”

Mateo 5:42 ပူးပေါင်းရင်းမြစ်များ

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

La 37:21

Ke nɔmlɔ yayami pa sika a, e wui hiɔ; dalɔ lɛɛ e naa mɔbɔ, nɛ e haa nɔ nɔ́.

Romabi 12:20

Kaa bɔ nɛ ngmami ɔ ya nɔ de ɔ, “Ke hwɔ ngɛ o he nyɛlɔ yee ɔ, ha lɛ ní nɛ e ye; nɛ ke kuma ngɛ lɛ yee ɔ, ha lɛ nyu nɛ e nu. Ke o pee jã a, o ma ha zo kpɔtɔɔ maa gbe lɛ.”

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Fiɛlɔ 11:6

Du ní mɔtu kɛ gbɔkuɛ tsuo. O li a kpɛti nɔ́ nɛ maa ba; mɔtu nɔ́ ɔ jio, gbɔkuɛ nɔ́ ɔ jio. Enyɔ ɔmɛ tsuo maa hi jio, o li.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Abɛ Womi 21:26

Nɔ nɛ peeɔ nɔ́ nɛ da a, e haa nɔ nɔ́, nɛ e nyɛ́ nɔ nɔ́ he; se yiwutsotsɛ lɛɛ daa nɛ ɔ, e hɛ ngɛ nɔ́ nɔ kɔe.

Mateo 5:41

Nɛ ke nɔ ko nyɛ o nɔ ke o kɛ lɛ nɛ ya si tomi kake ɔ, o kɛ lɛ nɛ ya si tomi enyɔ.