Mateo 5:39 - BAIBLO ALOO NGMAMI KLƆUKLƆU Ɔ

³⁹ Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Somi He Ɔ

³⁹ Se imi lɛɛ i ngɛ nyɛ dee ke: Nɔ nɛ maa pee nyɛ yayami ɔ, nyɛ ko pee lɛ ngɔ to nane mi; se ke nɔ ko gba o hiɛ ɔ nɔ tue mi ɔ, plɛ kake ɔ hu ha lɛ.

Mateo 5:39 ပူးပေါင်းရင်းမြစ်များ

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Abɛ Womi 20:22

Ke nɔ ko pee mo yayami ɔ, ko de ke mo hu o maa pee lɛ kɛ to nane mi. Ngɔɔ o sane ɔ kɛ ha Yawɛ, nɛ e maa piɛ o he.

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Mose III, 19:18

Koo ye mo nitsɛ o he lue, nɛ koo nyɛ o ma a mi bi ɔmɛ a ti nɔ ko nɔ ko; se mohu, moo suɔ o nyɛmi nɔmlɔ kaa bɔ nɛ o suɔ mo nitsɛ o he ɔ. Imi ji Yawɛ.

Abɛ Womi 24:29

Ko de ke, “Ma pee lɛ kaa bɔ nɛ e pee mi ɔ!” Ko de ke, “Nɔ́ nɛ e pee mi ɔ, imi hu ma pee lɛ kɛ to nya!”

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

1 Korintobi 6:7

Kaa nyɛ nyɛ nɛ nyɛɛ kɛ nyɛ he ngɛ munyu yee ɔ, lɔ ɔ kɛkɛ tsɔɔ kaa nyɛ je mi bami sɛ́ Kristo se nyɛɛli saasaa. Nyɛ ha nɛ ni kpahi pee nyɛ yayami mohu jinɛ tse e ko hi! Nyɛ ha nɛ ni kpahi sisi nyɛ mohu jinɛ tse e ko hi!

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

Luka 22:64

A fi e hɛ mi, nɛ a bi lɛ ke, “Mɛnɔ lɛ fia mo nɔ́ ɔ? De wɔ!”

Matsɛmɛ I, 22:24

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be Yawɛ mumi ɔ je ye nɔ nɛ e kɛ mo ba tu munyu?”

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Mateo 5:40

Ke nɔ ko ya sama mo ngɛ o hiɔwe tade he ɔ, ha nɛ e ngɔ o tade klɔii ɔ hulɔ.

Luka 6:7

Mlaa tsɔɔli komɛ, kɛ Farisi bi komɛ huɔ Yesu kaa e ma tsa nɔ Hejɔɔmi ligbi ɔ, konɛ a na nɔ́ ko nɛ a da nɔ kɛ ya po e nya.

Yohane 18:23

Yesu he nɔ ke, “Ke i de nɔ yaya ko ɔ, de ngɛ hiɛ ɔ nɛ ni nɛ ɔmɛ tsuo nɛ a nu. Se ke kpakpa a, lɛɛ mɛni he je o ngɛ mi gbee ɔ?”