Mateo 5:3 - BAIBLO ALOO NGMAMI KLƆUKLƆU Ɔ

³ “A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Somi He Ɔ

³ “A gbaa ninɛmɛ nɛ le kaa mumi mi ohiafohi ji mɛ ɔ: se a nɔ ji hiɔwe matsɛ yemi ɔ nɛ.

Mateo 5:3 ပူးပေါင်းရင်းမြစ်များ

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

La 1:1

A gbaa nɔ nɛ bui nimli yayamihi a ga womi tue, nɔ nɛ kɛ yayami peeli bɔɛ, nɛ e hí he fɛu yeli a hi he;

La 112:1

A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.

La 128:1

A gbaa nɔ tsuaa nɔ nɛ yee Yawɛ gbeye, nɛ́ e yeɔ e mlaa amɛ a nɔ.

La 146:5

Nɔ nɛ Yakob Mawu ɔ ji e he piɛlɔ, nɛ e ngɔɔ e hɛ kɛ fɔɔ Yawɛ e Mawu ɔ nɔ ɔ, a gbaa lɛ.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

La 41:1

A gbaa nɔ nɛ susuɔ nihi nɛ a ní ngɛ mɔbɔ a he; ke haomi ba e nɔ ɔ, Yawɛ maa piɛ e he.

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

Abɛ Womi 16:19

E hi kaa o maa pee o he humi nɛ a na mo ngɛ ohiatsɛmɛ a kpɛti, pe nɔ́ nɛ a maa na mo nɛ o kɛ he nɔ woli ngɛ ní nɛ a ha dlae.

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Abɛ Womi 8:32

“Lɔ ɔ he ɔ, nihewi, nyɛɛ bu mi tue! Nyɛɛ pee bɔ nɛ i de nyɛ ɔ, nɛ nyɛ ma na bua jɔmi.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 11:6

A gbaa nɔ nɛ mi mi fu we ngɛ ye he.”

Mateo 13:16

“Se nyɛɛ lɛɛ a gbaa nyɛ pɛ! Nyɛ hɛngmɛ ngɛ nɔ́ hyɛe, nɛ nyɛ tue ngɛ nɔ́ nue.

Mateo 19:14

Kɛkɛ nɛ Yesu de ke, “Nyɛ ha nɛ jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji hiɔwe matsɛ yemi ɔ nɛ.”

Mateo 24:46

Tsɔlɔ nɛ ke e nyɔmtsɛ ɔ ba we mi, nɛ e ma ba na kaa e ngɛ jã pee ɔ, a gbaa lɛ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 8:11

I ngɛ nyɛ dee ke nihi babauu maa je beleku, kɛ bonyoku kɛ ba, nɛ a kɛ Abraham, kɛ Isak, kɛ Yakob ma ba ye ní ngɛ hiɔwe matsɛ yemi ɔ mi.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Luka 11:28

Se Yesu he nɔ ke, “A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ mohu!”

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Luka 22:29

Lɔ ɔ he ɔ, he wami nɛ Tsaatsɛ ha mi nɛ ma kɛ ye e ma a nɔ ɔ, imi hu i ngɛ nyɛ jamɛ a he wami ɔ hae.

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Yohane 20:29

Kɛkɛ nɛ Yesu bi lɛ ke, “Toma, nɛ o na mi ɔ, tse o he ye? A gbaa nihi nɛ nɛ́, se kɛ̃ ɔ, a heɔ yeɔ!”

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Yakobo 1:10

nɛ Kristo se nyɛɛlɔ niatsɛ ɔ, lɛ hu ke Mawu ba lɛ si ɔ, e fĩa, ejakaa niatsɛmɛ hɛ mi ma kpata kaa mɔmɔ nglaa ngɛ nga nɔ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Kpojemi 3:17

O deɔ ke, ‘I na ní kpɔtɔɔ; i plɔke, nɛ nɔ́ ko nɔ́ ko hia we mi!’ Se o li tete kaa o ngɛ dengme mi, nɛ o ní ngɛ mɔbɔ! O li kaa ohiatsɛ ji mo! O li kaa o hɛɛ o he gu, nɛ o hɛngmɛ hu yu!