Mateo 5:29 - BAIBLO ALOO NGMAMI KLƆUKLƆU Ɔ

²⁹ Ke o hiɔ nɔ hɛngmɛ haa nɛ o peeɔ yayami ɔ, hiaa nɛ o sake ngɔ fɔ he. E hi ha mo kaa o nɔmlɔ tso ɔ he nɔ́ ko maa laa pe nɔ́ nɛ a ma sake o nɔmlɔ tso ɔ tsuo ngɔ fɔ Abosiami a je la a mi.

Somi He Ɔ

²⁹ Ke o hiɛ ɔ nɔ hɛngmɛ haa o peɔ yayami ɔ, hia nɛ o sake ngɔ fɔ he; ejakaa e hi ha mo kaa o nɔmlɔ tso ɔ he nɔ́ ko laa pe nɔ nɛ a ma sake o nɔmlɔ tso mluku ɔ tsuo ngɔ fɔ abosiami a je la a mi.

Mateo 5:29 ပူးပေါင်းရင်းမြစ်များ

Romabi 8:13

Ejakaa ke nyɛ peeɔ he lo nya níhi ɔ, nyɛ ma gbo; se ke Mawu mumi ɔ ha nyɛ kpa níhi nɛ nɔmlɔ tso ɔ suɔ ɔ tsumi ɔ, nyɛ yi ma na wami.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Marko 8:36

Mɛni se nɔmlɔ naa, ke e nine su je ɔ tsuo nɔ, nɛ e hɛ mi kpata a?

Mateo 19:12

Ejakaa ní komɛ a he je nɛ nyumuhi ngɔɛ yo; ni komɛ ngɛ nɛ ja lɛ a fɔ mɛ; ni komɛ lɛɛ adesa lɛ pee mɛ ja; ni komɛ hu ngɔɛ yo ngɛ hiɔwe matsɛ yemi ɔ he. Tsɔɔmi nɛ ɔ, nɔ nɛ ma nyɛ maa pɛtɛ he ɔ, e pee ja.”

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Mateo 23:15

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kuɔɔ wo, nɛ nyɛ kpaa zugbahi a nɔ kaa nyɛ maa na nɔ kake pɛ nɛ tsake pee Yuda no lo. Ke nyɛ na nɔ ko kaa ja a, nyɛ peeɔ lɛ nɔ nɛ sa Abosiami a je la a mi yami si enyɔ nɛ bla mohu pe nyɛ nitsɛmɛ po!

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Mateo 23:33

Sinɔhi kɛ sinɔhi a nina! Nyɛ tue nɛ a maa gbla ngɛ Abosiami a je la a mi ɔ, kɛ nyɛ maa pee kɛ tu fo ngɛ nya kɛɛ?

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Mateo 5:30

Jã kɛ̃, ke o hiɔ nine haa nɛ o peeɔ yayami ɔ, poo nɛ o sake ngɔ fɔ he. E hi ha mo kaa o nɔmlɔ tso ɔ he nɔ́ ko maa laa pe nɔ́ nɛ a ma sake o nɔmlɔ tso ɔ tsuo ngɔ fɔ Abosiami a je la a mi.

Mateo 11:6

A gbaa nɔ nɛ mi mi fu we ngɛ ye he.”

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”