Mateo 5:28 - BAIBLO ALOO NGMAMI KLƆUKLƆU Ɔ

²⁸ Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Somi He Ɔ

²⁸ Se i ngɛ nyɛ e nɔ dee: Nɔ tsuaa nɔ nɛ hyɛɛ yo nɛ e he peɔ lɛ akɔnɔ ɔ, e yeɔ fɔ ejakaa e kɛ lɛ puɛ gba momo ngɛ e tsui mi.

Mateo 5:28 ပူးပေါင်းရင်းမြစ်များ

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

Hiob 31:9

Ke ye nyɛmi ko e yo he pee mi akɔnɔ hyɛ, nɛ i ya wo lɛ ka ngɛ ye nyɛmi nɛ ɔ sinya se ɔ,

La 119:96

I na le kaa sé ngɛ nɔ́ tsuaa nɔ́ he, se o mlaa a lɛɛ tɔmi ko kulaa be he.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Ezekiel 23:16

Amlɔ nɔuu nɛ e na a foni ɔmɛ ɔ, a he pee lɛ akɔnɔ, nɛ e tsɔ kɛ ya tsɛ mɛ ngɛ Babilonia tɔɔ.

Mose III, 18:20

O kɛ o nyɛmi e yo kó na nyumu kɛ yo bɔmi nɛ o kó ba ble o he.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

Mose V, 22:22

“Ke a nu nyumu ko nɛ e kɛ nɔ kpa e yo ngɛ hwɔe ɔ, á gbe mɛ ni enyɔ ɔmɛ tsuo. Pee jã kɛ je yayami nɛ ɔ kɛ je nyɛ kpɛti.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.