Mateo 5:20 - BAIBLO ALOO NGMAMI KLƆUKLƆU Ɔ

²⁰ I ngɛ nyɛ dee ke loko nyɛ maa sɛ hiɔwe matsɛ yemi ɔ mi ɔ, ja nyɛ ye anɔkuale ngɛ nɔ́ nɛ Mawu ngɛ hlae nɛ nyɛɛ pee ɔ mi pe mlaa tsɔɔli ɔmɛ, kɛ Farisi bi ɔmɛ.

Somi He Ɔ

²⁰ I ngɛ nyɛ dee ke: Ke nyɛ dami ɔ pa we mlaa tsɔɔli ɔmɛ kɛ Farisifo ɔmɛ a nɔ ɔ, nyɛ be hiɔwe matsɛ yemi ɔ mi sɛe kulaa.”

Mateo 5:20 ပူးပေါင်းရင်းမြစ်များ

Mateo 16:12

Jehanɛ lɛɛ kaseli ɔmɛ ba kɔ se kaa pi masa nɛ a kɛ woɔ abolo mi ɔ he nɛ e de mɛ ke a hɛ nɛ hi a he nɔ ɔ, se mohu, Farisi bi ɔmɛ, kɛ Saduki bi ɔmɛ a tsɔɔmi ɔ he.

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Marko 10:25

E wa ha niatsɛ kaa e maa sɛ Mawu matsɛ yemi ɔ mi pe kaa afukpɔngɔ maa gu abui hɛngmɛ mi.”

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Luka 18:17

Niinɛ, i ngɛ nyɛ dee ke, nɔ tsuaa nɔ nɛ he we Mawu matsɛ yemi ɔ kaa jokuɛ nyafii ɔ, e be mi sɛe kulaa.”

2 Korintobi 3:9

Ke hɛ mi nyami kaa kikɛ nɛ ɔ je kpo somi momo be ɔ mi ɔ, somi he be nɛ ɔ mi lɛɛ hɛ mi nyami ɔ ma kpɛ kɛ be nɔ pe kekle ɔ po.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.