Mateo 5:17 - BAIBLO ALOO NGMAMI KLƆUKLƆU Ɔ

¹⁷ “Nyɛ ko susu kaa i ba nɛ ma ba gu Mose mlaa a, kɛ níhi nɛ gbali ɔmɛ tsɔɔ ɔ. Dɛbi! I bɛ mɛ gumi; se mohu, i ba, konɛ ma ba tsɔɔ a sisi saminya.

Somi He Ɔ

¹⁷ “Nyɛ ko susu kaa imi Yesu i ba Mose mlaa aloo gbali ɔmɛ a tsɔɔmi ɔmɛ gumi; i bɛ mɛ gumi, se i ba nɛ ma ba gbe nya.

Mateo 5:17 ပူးပေါင်းရင်းမြစ်များ

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Mateo 7:12

“Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ha nyɛ ɔ, nyɛ hu nyɛɛ pee ja nɔuu ngɔ ha mɛ. Mose mlaa a, kɛ ní nɛ gbali ɔmɛ tsɔɔ ɔ sisi ji nɛ ɔ nɛ.

Luka 16:17

E wɛ kaa hiɔwe kɛ zugba maa be kɛ ho, kaa a maa po mlaa a mi ngu kake ngmelu mi.

Yohane 8:5

Wa mlaa a nya a, Mose fa ke, ‘Yo kaa kikɛ nɛ ɔ, a fia lɛ tɛ nɛ e gbo.’ Moo lɛɛ kɛ o ngɛ dee kɛɛ?”

Ni Tsumi 18:13

A ya po e nya ke, “Nyumu nɛ ɔ ngɛ ma a yi mi woe nɛ a ja Mawu ngɛ blɔ ko nɔ nɛ kɛ wa mlaa a yɛ!”

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Ni Tsumi 6:13

Jehanɛ a kɛ lakpa odase yeli komɛ ba, nɛ a ba de ke, “Daa nɛ ɔ, kikɛmɛ a nɔmlɔ nɛ ɔ tuɔ munyu kɛ siɔ wa sɔlemi we klɔuklɔu ɔ, kɛ Mose mlaa a.

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.