Mateo 5:14 - BAIBLO ALOO NGMAMI KLƆUKLƆU Ɔ

¹⁴ “Nyɛ ngɛ kaa la kɛ ha je ɔ. Ma nɛ a bɔ ngɛ yoku nɔ ɔ, e be nyɛe maa laa.

Somi He Ɔ

¹⁴ “Nyɛ ji la ha je ɔ tsuo. Ma nɛ a bɔ ngɛ yoku nɔ ɔ, e be nyɛe maa laa.

Mateo 5:14 ပူးပေါင်းရင်းမြစ်များ

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Ezekiel 5:5

Nyɔmtsɛ Yawɛ ke, “Nyɛɛ hyɛ, Yerusalem ji nɛ ɔ nɛ; i ngɔ lɛ kɛ ma je ma amɛ a kpɛti, nɛ ma kpahi bɔle lɛ kɛ kpe.

Yohane 12:36

Be abɔ nɛ nyɛ ngɛ la a nɛ ɔ, nyɛ he lɛ nyɛɛ ye, konɛ nyɛ plɛ la a bimɛ.” Munyu nɛ ɔ se ɔ, Yesu je a he ngɛ lejɛ ɔ, nɛ e ya laa e he.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yohane 9:5

Be abɔ nɛ i ngɛ je ɔ mi nɛ ɔ, imi ji je ɔ la a nɛ.”

2 Korintobi 6:14

Nyɛɛ kɛ ni nɛmɛ nɛ he we yi ɔ kó bɔ. Dami sane yemi kɛ mlaa tɔmi ɔ, mɛni kake peemi ngɛ a kpɛti? Aloo mɛni bɔmi lɛ ngɛ la kɛ diblii a kpɛti?

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

1 Tesalonikabi 5:5

Ejakaa nyɛ tsuo pɛpɛɛpɛ la bimɛ ji nyɛ; ee, piani bimɛ ji nyɛ; wa pi nyɔ, loo diblii bimɛ.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 2:5

Lɔ ɔ he ɔ, moo hɛli o he si ngɛ nɔ nɛ mi nɛ o gbee si ngɛ ɔ he. Mo tsake o tsui, nɛ o hi si kaa kekle ɔ. Ke o tsakee we o tsui ɔ, ma ba o ngɔ, nɛ ma ba je o kane tso ɔ kɛ je e ma he ɔ.