Mateo 5:11 - BAIBLO ALOO NGMAMI KLƆUKLƆU Ɔ

¹¹ “A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Somi He Ɔ

¹¹ “A gbaa nyɛ ke nihi jɛ nyɛ nɛ a wa nyɛ yi mi nɛ a ngɔ nya kɛ tu munyu yaya tsuaa munyu yaya ngɔ si nyɛ ejakaa ye kaseli ji nyɛ ɔ.

Mateo 5:11 ပူးပေါင်းရင်းမြစ်များ

La 35:11

Lakpa odasehi teɔ si kɛ woɔ mi; a poɔ ye nya, nɛ a deɔ níhi nɛ i li he nɔ́ ko kɛ siɔ mi.

La 44:22

O he ɔ, a gbeɔ wɔ be tsuaa be; a buɔ wɔ kaa tohi nɛ a yaa gbe.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Yeremia 37:14

I he nɔ ke, “Dɛbi! Pi Babilonia bi ɔmɛ a ngɔ nɛ i tu fo kɛ yaa!” Se Iriya bui mi tue. Mohu ɔ, e nu mi kɛ ya ha ma nimeli ɔmɛ.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Mateo 10:25

Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Mateo 10:39

Nɔ tsuaa nɔ nɛ baa e klaa yi ɔ, e maa laa lɛ; se nɔ nɛ laa e klaa ngɛ ye he ɔ, e nine maa su nɔ.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Mateo 27:39

Nihi nɛ bee ɔ huanya yi, nɛ a tu musu bɔmi munyuhi kɛ si Yesu ke,

Marko 13:13

Nihi tsuo maa nyɛ nyɛ ngɛ ye biɛ ɔ he; se nɔ nɛ daa haomi ɔ nya kɛ ya siɔ nyagbe ɔ, Mawu ma he e yi wami.

Marko 13:9

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Marko 4:17

Se e he we si ngɛ a mi; nɛ e se kɛ we. Lɔ ɔ he ɔ, ke amanehlu, loo yi mi wami te si ngɛ munyu ɔ he ɔ, a ngmɛɛɔ he oya.

Marko 8:35

Ejakaa nɔ tsuaa nɔ nɛ suɔ kaa e maa baa e klaa yi ɔ, e maa laa lɛ; se nɔ nɛ laa e klaa ngɛ imi, kɛ sane kpakpa a he ɔ, e ma he e yi wami.

Luka 21:12

Se loko ní nɛ ɔmɛ tsuo maa ba a, a maa nuu nyɛ, nɛ a maa wa nyɛ yi mi. A maa ngɔ nyɛ kɛ ha nɛ a kojo nyɛ ngɛ kpe he ɔmɛ, nɛ a maa wo nyɛ tsu. Ye he ɔ, a maa ngɔ nyɛ kɛ ba matsɛmɛ, kɛ ganɔhi a hɛ mi.

Luka 21:17

Ye he ɔ, nihi tsuo maa nyɛ nyɛ,

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Luka 9:24

Ejakaa nɔ tsuaa nɔ nɛ suɔ kaa e baa e klaa yi ɔ, e maa laa lɛ; se nɔ tsuaa nɔ nɛ laa e klaa ngɛ ye he ɔ, e maa na lɛ ekohu.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Yohane 9:28

Se mɛɛ lɛɛ a gbiɛ nyumu ɔ, nɛ a de lɛ ke, “Mo ji jamɛatsɛ ɔ kaselɔ; wɔɔ lɛɛ Mose kaseli ji wɔ.

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

2 Korintobi 4:11

Wa wami be ɔ tsuo ɔ, Yesu he ɔ, nihi ngɛ wɔ dae nɛ a gbe wɔ, bɔ nɛ pee nɛ a na Kristo wami ɔ ngɛ wa he lo nɛ ma gbo nɛ ɔ mi.

Filipibi 1:29

Blɔ nya nɛ a ha nyɛ kaa Kristo we bi ɔ, nyɛɛ lɛɛ pi kaa nyɛ ma he ye kɛkɛ, se mohu kaa e he ɔ, nyɛ maa na amanehlu hulɔ.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.